2007年9月23日 星期日

影像‧愉景灣

上一篇日誌寫左出走愉景灣既原因,其實仲有另一個理由既~~就係要為新買既Nikon D80剪綵勒~~買左部D80之後,老公每晚都會拎住部DSLR係屋企試影(屋企缸魚就係佢既模特兒),既然如此,一於定呢個星期六出外取景影下相啦~~

原來老公係第一次去愉景灣呢,佢好欣賞呢個地方...周圍都係外籍人士,真係好似去左另一個地方咁~氣氛好悠閒...不過如果無推廣既話,入黎都幾貴架呢,單程船票就要$27...淨係今日我同老公就慳左$108既船錢啦~

呢個係白沙灣沙灘,有人打沙灘排球,有人玩美式欖球,有人玩滑板,有人踩單車,有人玩風帆,有人玩獨木舟...真係各式其適...令人羨慕既生活~~真係對"尚堤"好有興趣,不過得個恨字~~

老公用D80試影既動態相,果然好出色呢~~呢d普通DC就一定影唔到勒....不過我就未拍到,因為成日都對錯焦

我都係影下d靜物先啦...見d荷花幾靚就影左幾幅~~有相框既就係我既作品啦

我對上面呢張有明顯景深既荷花相好滿意,都算係今日既得意之作....哈哈哈,大家多多包涵,唔好笑我幅相喎~~



7 則留言:

  1. D相好靚!靚相機果然好D!

    回覆刪除
  2. 你省了$108? 那是不是來回船票? 我昨天才去過, 為甚麼只送回程呢?

    回覆刪除
  3. 园猪 :正常係送回程架咋,不過因為o岩o岩既星期六日有特別推廣,可以係佢地個website印去程既免費船票呀~ happy girl:成萬蚊部機點都係唔同d既~

    回覆刪除
  4. 我都未去過愉景灣o架! 你部相機影d 相真係好靚呀!  我估我要影靚相, 都係要買部靚機先得!

    回覆刪除
  5. 敏敏敏:愉景灣真係好少會特登入去,所以無去過都唔出奇~~攝影都幾好玩架,如果有興趣真係不妨買部靚機呀~

    回覆刪除
  6. 愉景灣好耐無去過嘞!呢個地方幾優閑o甘,有時間去行o下都唔錯呀!

    回覆刪除
  7. little bunny:係呀,愉景灣真係幾舒服,老公呢排不時都會提起呢度呀~

    回覆刪除