807的晚餐 ~ 棷汁焗雞 / 帶子炒蛋白

智慧齒的傷口已無大礙,因此昨晚我煮了3款新餸,還是沒有食譜之下自行嘗試的呢

棷汁焗雞

這味是老公自少愛吃的餸菜之一,可惜不是很多餐廳會供應

...如果他在餐牌上看到它的芳蹤,他一定豪不猶豫的點它來吃...我一直也想試整給老公吃,可是找來找去也沒找到棷汁焗雞的食譜...結果我決定膽粗粗的自行一試...在我準備的期間,老公入來問我今晚煮咩,我話你最鐘意既棷汁焗雞,老公話你識整呀

我答:唔知呀,試下架咋....老公即時下左一聲,仲話咁會唔會好難食架,我唯有話盡量啦....哈哈...結果我成功左

好好味呢,d雞又嫩滑喎

....老公食到停唔到口呀,我仲第一次見老公話要添飯,佢撈汁食得不知幾滋味,咁大盆汁竟然俾佢食晒...嘩,開心死我啦...咁當然老公話尚有進步空間,佢叫我下次加埋薯仔喎!

跟住另一味就係帶子炒蛋白

成績一般,因為帶子太多,蛋白太少,材料唔平均....其實我已經用左成5隻蛋白架啦,不過都係唔夠,下次放少d帶子先得...就係由於蛋白唔夠,所以盛唔住放面既蛋黃,流晒落個碟底...其實都係諗住自己鐘意食既賽磅蟹既模樣去煮,食既時候仲加左d醋架,味道尚可...呢味要再改良下先得

只係要左蛋白,咁d蛋黃點算

於是就同d咸牛肉一齊炒...就多埋碟咸牛肉炒蛋啦