星期三晚放工後與幾位靚太唱K,2個半小時實在意猶未盡,番到屋企才10時左右...
怎料第2日醒來覺得有點不舒服,喉嚨痛,頭痛,流鼻水等症狀出現
回到公司愈覺不妥,可惜下午要往九龍塘開會也唯有捱下去
好不容易結束了會議時已值下班時間,本應趕快回家休息...我卻想起昨晚其中一位靚太說又一城的NINE WEST進行removal sales,價錢超抵...結果不明所以的就去了買鞋
左試右試,心大心細,一時間頭好像沒有那麼痛,腦中只在盤算著買那一雙,結果可能受病情影響,我竟買了3雙鞋子
一雙黑啡上班鞋
一雙棗紅上班鞋(有點冬天feel的)
一雙很可人兒的高跟鞋
其實我不曾買過這品牌的鞋子,因為覺得太貴而且太高踭...今天卻一口氣買了3對,實在有點匪夷所思...但3對原價合共$2330的鞋子,現在卻只要$501.9...就當去看醫生吧
一路上回家的途中,剛才購物時止痛的作用遂漸消失而且愈加辛苦,頭痛欲裂...我也不知自己是如何回到家中的,一入門口,我立即放下手上所有東西(包括新買的鞋子),一個箭步就跳上床休息...就這樣昏迷的睡著了
幾小時後醒來感覺好多了,不過頭還是有些暈...再告訴老公我今天買下了的鞋,老公說我病了還去買鞋,真拿我沒辦法,他還說一定是我獨自和朋友去街唱K而病倒,著我還是多跟他在一起比較好...聽罷真是哭笑不得
Yan 你要多啲休息喇，shopping雖然係好重要，但係身體都好緊要架，你要多多保重呀!! ps : 多謝你帶呢個好消息俾我，我星期日一定會去掃貨，嘻.......
回覆刪除yan,你真係去左買呀???? 仲病住咁去買添呀??????? 死火勒，吳先生一定話我教壞你勒 ......驚驚~~~~
回覆刪除我最近都買咗對新鞋 其實由結婚到宜家，我已經買咗8對鞋 妳呢個消息，又挑起我的購物慾... ...
回覆刪除thy:我平時好少會咁架,個日都唔知係咪病到神志不清,所以有個咁既決定...希望你星期日去掃貨滿載而歸啦 sharon:係呀,我真係去左買呀 ...可能係神經錯亂既關係.....唔使驚,我老公無嬲我去shopping不過嬲我病左都去shopping之麻
回覆刪除JK:難得大減價,唔買都去睇下啦
回覆刪除SHOPPING能醫百病嘛~ 吳生唱唔唱K架? 下次同埋佢一齊去囉~
回覆刪除魚露:你都知吳生幾怕醜架啦..你地上黎佢都會避席又點會陪我同你地去唱K呢
回覆刪除我其實都想買你貼相的第一對，不過後來我記得自己已經有幾對啡色，所以無買到。 今日我見到九龍站OUTLET，GEOX減到199一對，米色、漆皮、生膠平底。超抵呀，我上年買左一對黑色同款要$698。真係好舒服!!!可惜無我大腳板的碼。得返35-36果D......你行開可以去睇下。
回覆刪除