星期六繼續要去會展當值,而老公就要留守屋企,因為今日冷氣機送貨兼安裝
捱到放工直衝番屋企,途中仲要去超市補給物資...入到屋老公話剛剛裝完無耐咋,成屋都係塵,佢要打掃下...我企左2日真係太累啦,想幫老公手都係有心無力....攤下攤下又成7點幾,本來都諗住煮飯煲湯,不過好似好煩咁,結果我都係煮意粉算數,講真,我係鐘意整西餐多過中餐
今日再接再厲都係焗意粉,為左唔想又係椰汁,我決定加d咖哩粉,咁就成為
芝士焗椰汁咖哩雞意粉:我知老公唔食得辣,所以好輕手,都係見到d顏色就算數,今日我特登整多左汁(因為老公上次話佢鐘意多汁麻),佢就話今日呢個汁就perfect啦,不過我自己反而鐘意之前個隻creamy d既效果...
另外兜左幾粒蜜糖炒貢丸,好bbq風味呢
今日真係唔該哂你呀！ 要你行返轉頭，阻遲左你返屋企，真係非常唔好意思呢！ 幸好Ironman都有收獲，買左Harddisk，我們以超速揀0黎行都用左個幾鐘呀！
回覆刪除你同JK一樣好想快啲到9月呢??因為就快結婚一週年呀..........哈哈!!
回覆刪除sher:唔使咁客氣,你都送左d手信俾我啦...我老公知道左即時預留左一張coupon話佢有用喎,你話幾搶手呢 thy:係喎,又打錯日子,等我改番先
回覆刪除