由於聽日就要去會展當值,午飯一定要幫襯會展既餐廳,我梗係唔會屈服啦....所以決定整個批做明天既午餐
昨日去黃埔食飯順便行左吉之島$10店,於是買左個一個批模,一個麪粉棍,一嘗我想試整好耐既焗批
今晚洗完碗,我就擺陣試整啦...之前買左急凍酥皮係屋企,就用佢做批皮(下次有時間先自制啦
),然後就決定用雪櫃既剩餘物資:粟米,咸牛肉....再用牛奶,芝士同淡忌廉做批餡....
嘩,出爐啦~~
呢個芝士粟米咸牛肉批~~好香呀~~好似好好味咁...似乎成功左喎
我偷偷試左少少餡,好似唔錯咁喎....老公話佢好想食,不過已經刷左牙,唯有聽日先試啦...
半個留俾我,半個留俾老公聽日食呢
好正，流口水 Yan，我昨晚同老公講話想買個焗爐，佢即刻問我邊個網友煮o左乜好o野食... ...
回覆刪除好肚餓呀.........有冇好心人施捨啲俾我吃呀.........?? 其實我阿媽度有焗爐，不過見佢好少用，佢話冇咩用喎!!我依家個廚房好鬼細，連電飯煲、真空煲呢啲常用既野都要收埋入櫃，如果再買個焗爐，我都唔知放喺邊好囉!!
回覆刪除JK:咁你老公最後批唔批准呀 thy:唔使咁誇呀,haha....真空煲,好貴架喎,我99好似擺左個係我屋企,不過我都無用過(都唔知點用,驚有危險呢)
回覆刪除若我要買，老公唔會唔批准 只係同阿thy一樣，廚房好細，無位放 我又唔想將個爐放入櫃入面，用先攞出o黎，好麻煩... ...
回覆刪除我鍾意食批~ yan, 可唔可以詳細d講下點整~~
回覆刪除魚露:無問題,整作步驟如下: 1.急凍酥皮解凍(最好係室溫之下放3個鐘)-->用麪粉掍壓平足夠覆蓋批模既酥皮(壓時晒d生粉就無咁黏) 2.壓實酥皮於批模上(切去多餘既酥皮)-->用叉於酥皮輕刺-->放入焗爐焗約15分鐘-->取出備用 3.牛油放入煎pan熱溶,混合粟米同咸牛肉炒勻(粟米會被咸牛肉黏實)-->放入批模既酥皮內 4.將牛奶(60ml)+淡忌廉(60ml)+雞蛋(1隻)拌勻-->注入批模既酥皮內至差不多滿瀉 5.於批面撤上巴馬臣芝士同mosallar芝士(好似係咁串)-->放入焗爐焗20分鐘至批面金黃 6.取出脫模即成 你快d試下啦
回覆刪除唔該yan~ 我返黎就試下~
回覆刪除