831的晚餐

今日我既晚餐照舊係食之無味既雪糕(脫智慧齒的關係),不過我依然煮左豐富既晚餐~~

因為老公有個朋友上黎,咁我咪做個好老婆煮餐家常便飯招呼老公既朋友啦

為左穩陣起見,我整左3款水準有番咁上下既餸,就係

香茅焗雞翼:我已經掌握到醃料份量,老公個朋友對雞翼讚不絕口,我見佢食左好多呢

呢期菜價貴,所以我都係選擇煮冬瓜炆火腩

最後就係上次既家常豆腐:上次用免治豬肉,今次用免治牛肉一樣咁好味喎~~

老公個朋友仲添飯喎,睇黎今餐無失威,老公又可以係朋友面前認下叻啦,幾有面子...哈哈