吳家吾居: 脫智慧齒(續)

2006年8月4日星期五

轉眼間又過了一個月,昨天就是約定脫智慧齒的日子,我就在風暴之中前往診所(是日掛起3號風球卻出現8號風球的烈風程度

)

其實牙醫手勢真係幾好,實在係唔算痛,不過我感覺到牙醫出盡九牛二虎之力

好辛苦先可以拔出我的智慧齒...牙醫話我既智慧齒好大隻而且好實,所以好難拔出,其中一隻拔出時牙腳也斷了,要另外再用工具拔出牙腳...整個過程實在唔好受(雖然唔痛)...今次只係脫右邊的,月尾就再脫左邊,難度將會更高...除左橫向生出外,牙腳位還是彎曲的呢

因為隻牙太大隻,個傷口就自然大啦,牙醫驚我個傷口會發炎,開左2款消炎藥著我要依時服食,還要乖乖吃光,不可中途停吃呢....數一數,數量也不少,相信要吃上3天以上

回到家中,麻醉藥力開始消散,也沒有痛的感覺,只是感覺不舒服,口腔怪怪的...當然也就不欲吃東西,以免觸及傷口,最後只好吃雪糕當晚餐,卻吃之無味,口中只有血腥味....覺得很可憐呢

天啊,月尾還要再來一趟...救救我吧

jkfamily週五 8月 04, 12:27:00 下午 2006
今日應該會有番胃口o架啦！去脫智慧齒唔使驚，因為有我陪妳我九月頭都會去脫智慧齒
回覆刪除
回覆
吾家吳居週五 8月 04, 12:46:00 下午 2006
其實我唔係無胃口,只係驚食野整到個傷口...所以唔敢食咋唉,脫智慧齒真係搵自己笨
回覆刪除
回覆
JIMJIM週五 8月 04, 08:20:00 下午 2006
係就好啦!! 我麻醉藥過左都好痛, 可能我去mok的時間仲有點發炎, 之後仲腫左, 差不多一個星期才消腫............唉, 之後又大病左成個星期, 不過唔知關不關事.................. jk, 希望你會好似 yan 咁快無事啦!
回覆刪除
回覆
jkfamily週五 8月 04, 10:21:00 下午 2006
幾年前第一次脫智慧齒，都要打麻醉針，又係要割開牙肉，整o左成個鐘麻醉藥過o左有些少痛，搞到無胃口，成日淨係飲過啖湯不過第二日就無乜事，個臉無腫過希望o黎緊呢次脫智慧齒都一樣順利啦．．．
回覆刪除
回覆
lucia週六 8月 05, 02:58:00 下午 2006
我都有一邊未脫呀~ 上次我脫既時候打晒麻醉藥都覺得痛... 仲反抗潻呀~ 諗起都好驚...
回覆刪除
回覆
吾家吳居週日 8月 06, 01:07:00 下午 2006

jimjim :我都無出現腫既情況喎,可能因為你隻牙原本已經發炎所以咁痛啦
JK :咁有你陪我同期去脫智慧齒喎

魚露 :咁你另一邊幾時去搞掂佢呀
回覆刪除
回覆

2006年8月4日 星期五