卡拉OK

今日老公約左佢既同事放工後唱K lunch

我本來未決定join唔join既,不過係屋企悶悶地又好似好耐無唱K,

就決定做跟得夫人join老公既K lunch

原來只係得我老公一個男同事

佢係office黎講真係幾受歡迎,

又搞笑又好人仲有幾分「姿色」架

佢時時話佢自己係少女同師奶殺手喎

仲有好多例子話我知架

睇佢令d女同事唱K唱得幾開心就知啦

諗諗下,我其實都係由同事開始認識佢架喎!

《最愛女人購物狂》

見屋企附近有間租電影既舖頭

早前就去買左20張套票

斷斷續續睇左幾套戲

分別有《電車男》、《魔介3》、《慌失失奇兵》、《千杯不醉》、及《情義我心知》

今日同老公租左套《最愛女人購物狂》睇

估唔到套戲都幾得意喎

都有少少代入感,雖然我唔係購物狂

不過我都幾似戲內Ella個角色,就係要抵先買野....哈哈

剛巧我今日先用左$200 shopping黎

買左對鞋同埋2件衫呢,對我黎講算係出小血架啦

電視迷

這段時間我好像變得愈來愈懶

一回到家就貼著梳化,一動也不動

除了會煮飯洗碗外,就是在看電視

由8:30看到11:30,可能放左工之後就唔想用腦

看電視就是唯一不用腦的娛樂

只是在廣告時候就去騷擾一下老公

就這樣做了兩個星期的電視迷

這樣下去真的是不行的,我想我要積極一點

或許和老公一起去跑跑步

又或是找些曲譜彈彈琴

希望不要再做一個懶惰的電視迷

426的晚餐

之前特登買左2個焗盆,咁當然要整d焗飯焗意粉先唔會浪費啦

所以呢晚放工決定整白汁芝士雞扒焗菠菜寬面配魚手指

um...睇下個賣相幾似去餐廳食咁呀...

秘書節的午餐

經過呢2個星期既辛勞,老闆當然睇察到民情啦

於是自掏腰包請我地成條team食飯

日子就定左係426呢個秘書節,其實就無特別意思既

一行10人去左fat angelo's,老闆仲俾我地發板叫野食添

當然我地都唔會叫得咁盡既,唔係點會有下次呢

最後叫左

蕃茄芝士pizza(呢個pizza都叫ok啦)

意式錦繡pizza(呢個pizza好鬼硬,我諗係焗得太乾,食完一塊個牙骹都軟晒)

炸魷魚(幾好味)

菠菜三文魚(唔錯)

雞翼(有辣有唔辣)

什菜天使面(味道好淡喎)

忌廉寬面(味道都係淡d喎)

當然仲有贈送既包包同沙律啦!個個都話個包好好味呢

最後不得不講句"多謝老細"

八月花

上個星期為左個會而趕工,

個會終於都開完,之不過都要應酬一齊去食lunch,

我以前唔明咩叫背脊骨落,不過我宜家feel到少少啦

其實開會既人個個都好友善既,之不過一link埋工作上就梗係會有d問題架啦

當然各人有各人既見解,我呢d小薯當然只得陪笑的份兒

開會既人咁有體面,食lunch既地方當然都係高檔野啦

去左又一城一間叫八月花既食肆,裝修絕對係好新派個隻

食物賣相十分精緻,味道亦算唔錯,不過我相信價錢一定好貴

照計唔係工作既關係,我一定無緣入黎一試,因為我一定唔捨得去食咁high class既野

況且又一城我真係好少去行,更加唔會考慮去食入面個d食肆啦

424的晚餐

連續成個星期都無係屋企煮飯,日日出去食,

其實都有d悶,而且我覺得個感覺唔係幾好

好似少左份溫暖同家既感覺

於是我今日決定準時放工去買餸煮飯,當然我都唔想整d複雜野,

所以整左

蕃茄湯

蒜茸雞扒

蒜茸炒苗芯配豆干

炒雜錦香腸

豆干炒蛋

雖然放左工要煮飯都有d辛苦,不過比較起開OT

我諗我想番屋企煮飯多d lor

老公中學同學gathering

老公有個中學同學自外國回港

當然要約出黎聚一聚啦

一大班人飲完茶就上黎"吳家"玩勒

睇左一輪相,video同參觀屋企之後

就玩uno attack,我今日輸左好多呀,

好彩都未至於包尾

跟住就玩"大富翁",一個好耐都無玩既game

仲要玩正規則,即係要同人trade個隻

結果我勝出左

都係多得"太平山"呢幅地咋

因為我係唯一一個女將,大家都話要輸俾女人

哈哈,講到$既話都係女人精明d

OT的補償

呢個星期係我呢份工作首次要開咁多ot,

5日工作既我都要破例番星期六趕工

都係多得黎緊星期一早上個會

我要同其他party既委員交代工作

11點到公司開工,做到無停手(lunch都無食),成7點先走得

之後就會合老公去cwb行下,因為ot得太多既關係

想對自己好d,因此好豪咁同老公食左餐成$390既dinner

仲買左個$240既袋俾自己添

我地去左jp既"咖哩物語"食dinner,d野都唔錯而且服務好好

仲食得好飽添.....就當係辛苦ot之後既補償啦

 

減壓

呢個星期真係好忙好辛苦,

唔想煮飯不得只,仲好想食多d野去減下壓

我都知呢幾日一番到屋企就同老公呻

好辛苦呀,好累呀....之類既說話

只要有老公錫番,咁我又會開心番喎

呢d就係我既精神支柱

見到老公就可以令我忘記工作上既煩惱

係屋企就可以令我完全放鬆

雖然我有時都會拎野番屋企做

不過只要知道老公係身邊既話

個份壓力係會減少左好多....

如果同老公一齊去食餐好既話,心情仲會更靚添

老公下廚

放完easter後,公司好多野做,仲要開ot

6點半仲要再開會呢

走時打俾老公,佢話買緊外賣等我番去一齊食

番到屋企都成差唔多9點

一開門見到飯桌上放著3餸1湯...驚喜

雖然係罐頭湯同埋斬料,極其量只係算煮左個炒蛋同埋淥左d伊面

之不過我已經好開心,因為我知道除左我好多野做之外,老公今日都好忙

佢都遲左放工,不過無我咁夜之麻.....

原來辛苦工作後見到另一半準備左豐富既晚飯等你番黎食個種感覺真係好感動架

唔怪之得d男人咁鐘意老婆煮飯啦

老公,我會努力架啦,不過呢個星期你就委屈下啦,我諗我都無力煮飯架啦

p.s. 老公你整d野真係好咸呀!!!!

放假後遺症

放假係好開心既,之不過我只係拎多1日假係13號放之麻

一番工就發現要做個超級urgent而又麻煩既task

最慘係我老細佢就拎左之後呢1日既假,

我唯有頂硬上啦,衝呀衝,好彩都算係settle左大半

次次放假後都係咁既,只係1日之麻都搞成咁

仲諗住5月尾同老公去旅行添,都唔知去唔去得成

好味道 ~ 蜜月之旅 - 曼谷(Part VII)

好啦,話咁快呢2日1夜既stay behind又係尾升既時候,由於琴日晨早7點到左曼谷就直踩到夜晚12點幾,加上之前個程機,一番到酒店張床就好快zzzz左啦,仲係好熟睡個隻添喎

由於諗住個pool size早餐至到11點先完,所以無特別set morning call,點知就出事啦,我地真係唔知醒呀!!!!!!!!!!!!!!!!就係11點先醒,激死我啦

,我期待既pool size breadfast,就係因為佢我先俾成千蚊book呢間hotel架,宜家無得食咁點得架,oh,好慘呀,蝕左呀.....好唔開心呀,不過都無辦法啦,鬼叫自己唔知醒咩,咁唯有食番餐好d既lunch做補償啦,但係唔想係酒店食,因為太心痛啦,於是行左去酒店附近既一間意大利餐廳食.....

餡餅同意粉都唔錯,我地食野期間見到台鬼佬係度玩d waiter,蝦人地英文唔好,又呢樣又個樣,真係好衰呀,不過我地又幫唔到d watier,無計啦.....

就咁呢個蜜月之旅就正式結束啦,番HK,番工啦,唔知幾時我同老公又再去旅行呢?

復活節彌撒

星期六去探完bb後,我就陪老公番教堂彌撒

老公係d大時大節就一定會現身教堂,係節日教友一名,當然有時星期日佢都會番church望mass既

今次係復活節當然要出席啦,而且仲係新人領洗既重要儀式,所以都幾重要架

禮儀完晒都已經10點幾啦,教友話一齊去宵夜,當然好啦...因為之前都只係食左3塊pizza就無啦

結果大家落左佐敦食野,真係好啦,咁近我地屋企

食下食下,咁就已經12點,好彩放緊假,無所謂啦

細細妹之家

細細妹同佢個bf係西環租左個單位同居

我呢個細妹一向d行為都係比較突出既

我地一家人都無人覺得意外,佢咁大個人,我地亦唔會反對佢咁做(況且佢都唔係第一次自己出去住)

咁佢新居d傢私終於都到左d,復活節第3日就約定上去坐下

我除左拎個新既多功能printer賀下佢之外,仲親手整左個檸檬芝士凍餅俾屋企人食,

話晒佢地都未試過我既手勢,當然佢地唔會好似d朋友咁讚不絕口,

之不過佢地都話ok,咁ok其實即係唔錯架啦(佢地好嘴饞架)

之後3姊妹同媽咪打麻雀,要打$喎,好彩我最後都賺左$10,都係多謝老公同我係最尾一舖食左舖大牌咋

Miffy喚發童真

嘩,我雖然唔算係一個超級miffy迷,之不過我都幾鐘意miffy架,起碼我有miffy毛公仔同miffy冷氣被,都算係fans黎既,知道佢有個50週年展覽,就算遠在將軍澳既東港城,都要老公陪我去睇下

呢日係easter最後既一日假期,之前日日都有節目,好忙,今日終於有時間得番我地2公婆2人世界,出發去睇miffy好開心,雖然個展覽好細,不過我都好開心啦,映左d相,之後仲可以同一眾真人扮演既miffy & friends映相,勁開心

真人扮演既miffy & friends極受歡迎,真係要同d小朋友爭位先映到相架,搞到我都有d唔好意思,不過無辦法啦,d小朋友貼實唔肯走,我又點可以太禮讓呢.....搞到我好似個大細佬咁....haha,都好耐無咁低能啦,well,係童真先o岩

子謙小BB

hoho,一幅好溫馨既相呀!大家唔好誤會,相中既bb係我老公個中學同學既bb黎既,佢叫"子謙"呀!

佢宜家係2個月大呢

有成12磅,都幾重喎

老公佢好似好怕整親個bb,唔係好敢掂佢呢,好搞笑,你話佢拎住我隻手做咩鬼呢

不過bb唔係要抱就係要食奶,再唔係就係要換片,oh,我同老公覺得好煩呀!!!!!

點算呢,生左bb就真係無晒自己既時間,都係唔係好想喎!

復活節大食會

今個easter,雖然我同老公放早一日,不過我地呢一日已經要為414既easter party而準備,真係唔好講笑,呢個大食會我要準備12人既份量,有男有女,要佢地食得飽都唔係一件易事...

我早於12號晚已經整定碟醉雞翼,13號就去買材料,呢晚就整左雞絲粉皮(第一次整架咋),唔知係咪切辣椒既關係,我隻手竟然辣親呀,要不斷拎d凍野係手先解到辣呀!於是呢晚就唔可以再整其他野啦,唯有聽朝一早起身再準備啦....14號我一早9點就起身去廚房整蛋糕先.....

今次gathering係老公d fd黎既,有2個人生日,我就整左2個cake,分別係豆腐凍餅同埋芝麻凍餅,2個都係新嘗試...

炸魚手指同薯餅就係現成啦,最後先炸...

呢個係我新食品芝士焗茄醬千層面,d茄醬係我親自整架,唔錯呢,由於係第一次整,我唔知d千層面係唔使放水煮既,結果浪費左10大片,好彩仲有半盒可以黎過......呢樣係大家食得最快既一味

呢個芝士焗菠菜寬面再接再厲,今次改良左,好味左好多呢....

凱撒沙律,老公負責既唯一個菜式

瑞士雞翼已經係永無失手既菜式啦

醉雞翼今次早2日整,好入味呢

雞絲粉皮,我就覺得麻麻地,不過都清晒喎

呢個蒸飯有人話似荷葉飯喎,真係誇獎啦

呢個派對真係我既煮食紀錄,一手一腳,基本上係全部home made既,我都覺得自己好勁,不過真係要整成2日2夜真係好辛苦下,好在味道都唔錯,起碼大家都食得好開心,算係無白費我既心機