由Santorini飛番雅典已經係夜晚10點幾啦,去到酒店settle down之後諗住有dinner食啦,因為package包左呢晚dinner係酒店食架麻,點知間酒店話無收到order包dinner喎,真係口同鼻拗,我地手上有order receipt架喎,結果call番agent既導遊番黎傾都係不得要領,呢間酒店既服務真係好唔掂呀
雖然我知雅典係首都,d酒店會貴好多,所以我都知呢間package包既酒店係3星級,即係好普通既級數,之不過同HK比既話,我諗佢只多值2星級....服務唔得不特至,連間房都簡單得滯,同小島住既地方相比真係差太遠啦...咁無左酒店既dinner點算呢?又咁夜,附近又無咩餐廳,而且雅典既夜晚感覺好似好雜咁,都唔係好敢搭去遠d既地方,結果我地係酒店旁既士多買左d餅呀,包呀頂下肚,呢晚好慘呀!
第2朝就係補番原定第1日既半天市內觀光,導遊開左架私家車載我地周圍去,其中一站就係睇下佢地既政府官邸,守衛既士兵制服都好有特色架,而且仲見到一大批士兵係度步操添,導遊話我地好好彩見到步操,因為機會好少喎!
沒有留言:
張貼留言