希臘蜜月之旅 - Mykonos (Part I)

我們既honeymoon係於05年10月先出發既,都幾波折架

本來諗住係吳殷聯婚個website度post既,不過已經好耐無update佢,所以宜家係我個blog度補番啦,會慢慢出post架啦.

因為HK無直航去希臘,我們就去曼谷再轉機,點知曼谷架機有問題要delay,個時係凌晨,好彩航空公司安排左酒店俾我地休息一晚,當然仲送左2張buffet coupon啦,我地半夜就係曼谷間酒店食buffet勒,zzz左唔夠4個鐘就起身,係咁易食左少少早餐(因為琴晚既宵夜buffet都未落格),就去等轉機....去到希臘國際機場已經係下午5點左右,原定今朝package包左既半天雅典市內觀光就無左啦(好在最後轉左係我地離開希臘個日補番)...即刻我地又要再等轉機去我地既小島目的地 - Mykonos,結果班內陸機都係要delay2個鐘,真係激氣呀

行程一開始就咁多阻滯令我同老公有d氣餒既感覺

(p.s.曼谷個程既delay最後都claim得番保險)

終於都到左Mykonos啦,一個小小既機場,時間已經係晚上10時啦...好彩我地book既package包左pick up service,唔係都唔知夜麻麻人生路不熟點搵酒店...pick up我地個女仔好nice,雖然佢地唔係好識講英文,但係都總算溝通到少少...跟住佢地車左我地去食dinner(package包左既都係d standard野,所以無咩好講,不過原來無包飲品,要飲水都要俾$架)...食完都成差唔多12點啦...要去酒店休息啦

間酒店係一家希臘家庭經營既,唔係d大酒店,最搞笑係我地12點去到成家人都已經

晒啦,仲鎖左大門..OH,我地入唔到去喎,個司機不斷響安,經過幾分鐘既努力,終於都有人起身開門俾我地啦,拿拿聲就入房休息啦,因為真係好累

上面幅相就係我地第2朝起身推開我地露台既門映既米島景色,好怡人呀