蜜月之旅 - 曼谷(Part I)

由希臘飛去曼谷就無再daley啦,到達曼谷既時候係早上6點左右,好早呀!因為曼谷係我地自己stay behind,所以酒店係自己選擇既,因為呢個都係蜜月之旅既一站,我同老公決定豪d book香格里拉(曼谷有2間香格里拉,我地係book高級d個間呀),好彩都係住1晚,所以成千蚊晚都無所謂啦,佢又近BTS站,好方便

不過就無車係機場接我地,一來咁早,我地決定搭機場巴士去酒店,不過就要等lor,基本上都無咩人搭,好多人都會去搭的士,你話我地係咪好怪,唔慳酒店去慳的士$

到左酒店啦(好彩落車既地方係酒店對面咋,同搭的士既分別都好少),一入大堂即刻覺得個種5星級既feel!

8點咁早,好彩酒店都俾我地check in咋,真係好服務勒

間房好大呀,好正呀,比起希臘雅典間酒店簡直無得比...張床仲要超級舒服添

間酒店個泳池雖然的骰d,不過都幾有特色,好有熱帶雨林feel架,仲可以係池畔食早餐,簡直一樂也啦,期待聽朝既早餐