老公下廚

放完easter後,公司好多野做,仲要開ot

6點半仲要再開會呢

走時打俾老公,佢話買緊外賣等我番去一齊食

番到屋企都成差唔多9點

一開門見到飯桌上放著3餸1湯...驚喜

雖然係罐頭湯同埋斬料,極其量只係算煮左個炒蛋同埋淥左d伊面

之不過我已經好開心,因為我知道除左我好多野做之外,老公今日都好忙

佢都遲左放工,不過無我咁夜之麻.....

原來辛苦工作後見到另一半準備左豐富既晚飯等你番黎食個種感覺真係好感動架

唔怪之得d男人咁鐘意老婆煮飯啦

老公,我會努力架啦,不過呢個星期你就委屈下啦,我諗我都無力煮飯架啦

p.s. 老公你整d野真係好咸呀!!!!