希臘蜜月之旅 - Santorini (Part VVI)

呵呵,可一不可再既比堅尼泳裝照

(因為宜家既體重已經比相中既我多左10 lbs啦

)

今次我醒目啦,著定泳衣打底先有得同老公係黑沙灘游水咋,好彩最後我地都搵到一個好簡陋既更衣室等我地游完可以換衫走

呢個黑沙灘好長好長,如果要行晒既話,我諗要成粒幾鐘,因為開頭我地散步行極都未到盡頭(都行左成半個鐘),雖然呢個唔係一個天體沙灘,不過我地都見到不少男女裸晒呀,老公終於覺得有D睇頭....HAHA

,梗係啦,今日我地無咁早出發麻,沙灘多左好多人,見到既機會咪大左lor.....係外國裸晒真係好common架咋

我地都有落水玩,點解話玩唔係游呢,因為今次呢個黑沙灘比較大浪反而天堂沙灘就無咩浪,比較適合游水.不過一場黎到又著左我咁大個女第1次既bikini,點到要黎個下水禮既

d水好凍呀,d浪好大呀,不過好好玩呀,幾驚俾d浪衝左出去呀...於是我一路玩水一路尖叫,結果當然引得附近既泳客係度笑啦...可能覺得我好搞笑掛

...就連老公都覺得我好白痴,不過佢同我一齊玩得好開心,雖然唔係真正游水都玩到好累....我地兩公婆好耐無玩得咁癲啦,真係好開心...可能係好耐好耐無係沙灘游水既關係,係泳池游同沙灘游真係好大分別