希臘蜜月之旅 - Santorini (Part III)

第2朝係酒店食完個簡單既自助早餐之後,我地就去市中心搭巴士去聖島最著名既Paradise Beach天體沙灘

,可能我地太早出發啦,架巴士都唔係好滿,去到沙灘既時候,我地似乎係最早個批遊客,所以我地仲未睇到一個壯觀既天體情況,我同老公都有d失望

不過放眼望個沙灘,成個沙灘都擺滿晒呢幅相中既太陽傘同床,密麻麻咁架...其實呢d用具係d餐廳擺出黎既,用既話要俾$租架,不過成個沙灘都無咩地方可以俾人自己放野,雖然最後我地都用左d太陽傘同床,不過都無人黎搵我地收$

同HK既沙灘好唔同,搵均成個沙灘都無更衣室,搞到我想游水都唔得,因為我無將件泳衣打底呀!咁唯有坐係度睇住老公游啦...因為老公可以就咁係沙灘換泳褲,佢都有小小時間係全裸架

其間發生左段小插曲,我地附近有個男人係度裸晒,咁其實好平常,因為呢個係天體沙灘,不過佢竟然係度眼金金望我老公喎,其實係我老公feel到話我知既,唔知係佢敏感淨係我老公真係吸引到呢位外國男士呢?

 

老公游得好開心,佢話d水好清,而且好多魚仔圍住佢一齊游,都唔知幾得意

我地係沙灘逗留左大約1個鐘就走勒,可惜既係我地走既時候都仲係未見好多泳客係度,不過老公都總算見到一兩個裸女係度晒太陽...當然仲有d火辣辣既熱吻鏡頭啦,唔知點解係外國見到就覺得無咩問題,如果係HK就覺得好唔知點咁,係咪身在外地,感覺都會寬容d既呢?