好味道 ~ 希臘蜜月之旅 - Santorini (Part IV)

由沙灘番到黎市中心有d肚餓,就睇下食咩做lunch好,左睇右睇,結果見到間餐廳仔show左上面呢兜野喎,感覺好似好好味咁,於是決定叫1個share食...um...好濃既芝士呀,岩晒我呢個芝士狂...仲有好味既肉醬在內,每條中空意粉都吸收晒d醬汁,好味到想再來一客,不過我知會好肥,最後都係收手算數

,今餐就用左8蚊歐元(約$56港幣),之後我地就搭巴士去睇日落既勝地勒!

就咁share食呢個好似唔係好夠喉,於是落車之後我同老公去左旅遊書介紹好受情侶歡迎既餐廳等睇聖島出名既醉人日落

我地仲坐左個最好view既位添,好似係天之涯海之角咁,另外叫左個希臘沙律邊食邊等...慢慢歎

你睇下一碟普通既沙律係咁既環境之下好似多左幾分美味...不過呢隻希臘沙律用既芝士又係好好食,同平時食沙律個d芝士味道好唔同架,而且落左oliver oil就更加好味,連我呢個唔鐘意食番茄同青椒既人,對住呢個沙律都食得津津有味

,呢個沙律連兩罐可樂盛惠11.5歐元(約$105港幣)

唔記得講,希臘既餐廳,不論大小,你一坐低就會俾籃bread你食,點oliver oil一齊食,唔錯架,好過搽牛油