感受

其實宜家呢份工係06年年頭先轉既

之前份工一直都係因為我搞結婚既事而繼續做

如果唔係,我相信唔會係呢個刻薄既政府部門做成2年半咁耐(因為我籌備結婚都用左成年幾既時間)

新既身份(吳太),新既屋企,當然要一份新既工作啦

好彩,又咁o岩俾我見得成,而且可以話係升職加薪添

最重要係我可以離開一個做得唔開心既環境,

雖然係別人眼中可能覺得我之前份工個種唔開心係好小兒科

之但係我又唔係博升(實際上係無得升),又對人無威脅,只係想d工作做得順暢d,分工清晰d之麻,

點解都要咁麻煩,下下算住驚俾人冼,都唔明點解d人咁卸膊,其實大家同一個section,只不過負責既野唔同,可惜得到既唔係teamwork而係challenge,搵其他section既人(即係唔識既)可能仲可以俾到advice,試問咁樣既工作環境之下,又點會開心呢

好彩既係,我以前自己條team既同事都算相處融洽,之不過係老闆要求嚴格,令我工作上既困難度大左同埋挫折感多左,當然我明白係咁嚴格既上司帶領下,我會學到好多野,只不過咁hard既話其實有時都幾難捱架.仲要後期一人serve 2個老闆喎,資源增值都唔係咁架,一入職就cut左成2成人工,之後加番個少少但係工作量就有增無減,雖然我好少會開好多OT,但係唔表示唔多野做架.

如果我宜家仲番緊之前呢份工,我相信我呢一part唔會叫"工作記趣",而係"工作辛涯"

宜家份工,我覺得感覺唔錯,除左我自己條team既同事相處融洽外,連其他同事都好nice,仲大家定期有gathering,每個月仲會有生日會,呢d野真係我之前份工唔會點發生既(有既話都應該係小圈子既gathering)

最重要係我對住老闆唔會有太大壓力仲好開心,佢同我前老闆做事作風相差好遠,真係唔可以話嚴格(有時係我比老闆仲嚴格),而且仲非常有彈性及信任我既決定,之不過佢一樣會同我share工作上既心得,佢一樣會教我野,個感覺好唔同,但係我好受落,可能真係同老闆出身社工有關都未定

希望呢種感覺唔會因為做得愈耐而遞減