娘家一遊

好似好耐無番自己屋企(娘家),數數手指都好似成2,3個星期啦

有d掛住daddy,mummy添

,於是10點打俾阿爸問佢地飲唔飲茶,點知阿爸話佢身在台灣公幹,叫我打俾阿媽喎,不過阿媽手提未開,我諗佢都係未瞓醒架啦

,都係唔嘈醒佢啦

不過好似好耐無飲茶,好想去飲下喎,於是我同老公就出發去左飲茶先,少少地,1盅2件咁啦

跟住決定番去娘家個邊行下太古城,吉之島....以前未嫁既時候成日都去行架,宜家住左九龍呢邊已經好耐無行啦,所以感覺好興奮喎

,而且屋企附近有個商場轉型做水族廣場,即係港島區既金魚街,好處係好似行商場咁有冷氣,唔使熱辣辣係街行,老公都不知幾開心呀,又為佢d魚魚增購左2大盆水草呀!

首先番娘家坐下先,媽咪見到我有d驚訝,不過又好開心喎...原來佢仲未食飯,等埋阿妹做完facial番黎先去食下午茶,咁我當然會跟埋去啦...haha....下午茶時間大家傾得好開心,可能好耐無見屋企人,份外多野講,邊笑邊食,時間過得好快....

食完之後,我同老公就去行街街啦,今日都有d收獲喎,有涼鞋,brabras同埋老公既番工恤衫,都係係自己娘家既地頭買野開心d,仲好抵添喎,所有野夾埋都係2百蚊鬆d咋,又可以簽卡,真係盞勒