係酒店settle down之後,我地就出發去市中心閑逛同埋睇下d巴士既time schedule,因為我地諗住聽朝搭巴士去"天堂沙灘"見識一下天體沙灘既模樣,俾老公對眼食下雪糕,哈哈
買左少少紀念品就係時候食dinner,聖島有好多唔同既餐廳,好多選擇架...不過第1晚為左穩陣起見都係去本旅遊書有推介既餐廳食野好d...因為臨近地中海,佢地都有好多海鮮既野食,我地就叫左
炸魷魚(好味道呀,我地2個食到唔停口,同HK既椒鹽鮮魷類似,不過多左d鮮味)
炸魚(老公唔食魚,不過我好想食,最後都係叫左,我1個人食得晒成碟呀,你話好唔好味勒?)
同埋pizza(個pizza唔似HK食開既pizza,感覺原始d既,唔錯唔錯)
呢餐盛惠26.5蚊歐元(約240港幣)
雖然食左好多煎炸野,不過我地都無出現喉嚨痛既現象,如果係HK食咁多炸野,一早就爆瘡嫌喉嚨痛啦,係因為希臘既問題嗎???
不過我諗希臘人或者外國人食dinner既時間一定比較夜,我地叫野食既時候都成7點幾架啦,但係都係得2台客(我地同另一台,都係亞洲人黎架)...要到成差唔多9點先開始多人食野呢
沒有留言:
張貼留言