0212的晚餐

今日我無食晏,捱到放工番屋企好肚餓...為左可以即刻有野落肚頂住,我係超市買左包特價$3既魚肉燒賣,一番到屋企就咁叮3分鐘加豉油就食得啦...味道其實同係街買既差唔幾,不過份量就多好多啦...好鬼抵,老公都食左一半架~~

星期六買左粘米粉同蘿蔔都仲未開工整蘿蔔糕~~黎緊星期日就過年啦,仲要預一日情人節出去玩,又要預起碼一日大掃除,仲有一日要去辦年貨,仲有仲有要去行下花市...咁幾時得閒整蘿蔔糕呢

於是我決定今日一定要整好底蘿蔔糕,我預計起碼要3小時...於是今晚既晚餐就要簡單d勒~~之不過老公呢個星期得聽日同星期五可以帶飯番公司,我又想整個盒飯俾佢喎...結果我就整左個

金菇咖哩雞球紅腸炒烏冬做飯盒啦

而將有多既餸用黎配個豬骨味出前一丁,咁就當今晚餐飯啦...7點9食完晚餐,休息15分鐘就要開工整首個吳太蘿蔔糕啦