新加坡餐廳

今日老公話想去食下茶餐廳早餐,雖然我最後都係10幾先起身,不過都仲趕得切搵到間仲有得食早餐既茶餐廳...食完我地兩公婆去左會展行Expo~~哈哈,自從結左婚之後都好耐無行過婚紗展啦,手上有2張贈劵就入去行個圈啦...唯一既目的只係去好彩集團拎佢個張$100晚飯現金卷,今次成功拎左2大張...好耐無去彩雲軒食飯啦,呢個星期可以去啦...由於時間只係12點左右,會場實在好少人,如果真係要搵結婚料既話,呢個時間黎最好行勒~~

之後去左教育及職業博覽,我地既目的亦不外乎係拎記念品...都有少少收獲架(見下圖)

行完我地就決定打道回府,不過今朝既早餐已經消化晒...宜家係時候食下午茶醫肚~~我地去左亞士厘道既新加坡餐廳,佢一向既下午茶都係抵食夾大件既,好多都只係$20仲連一杯凍飲...我要左干炒豬扒意粉,老公叫左豉椒炒河...份量十足,味道亦可口

可惜佢已經唔係以前地舖既位置,我都係鐘意舊時既舖位~~