今日又要開OT啦,因為要趕起本Annual Report...今日仲要係sign off既日子,點知老闆要早走,要我留守仲話由我sign off就可以啦...唔係呀,咁重要既Annual Report俾我sign off,有咩事我就大煲啦
對到眼都花埋,最後8點幾先番到屋企(其實都算快架啦,幾驚要做到11點呀
)
番到屋企都唔係好夠時間煮飯食,老公話煮個麪就算...不過我琴日買左雞扒,所以都想煮左佢做餸...今日唔想用中式醃法黎煮,所以決定用西式方法去醃,用檸檬汁,rosemary,黑椒,胡椒粉同少少橄欖油...唔使落油就咁落鑊煎,味道唔錯好清新,仲好香添喎...配碗出前一丁,飽晒....9點幾就食完啦,幾快
呢個西式醃法好似好清新，等我下次試下先
回覆刪除相信味道一定唔錯...叻呀 !
回覆刪除吳家吾居 , 印像中, 你好喜歡用雞做材料做餸, 但我想告訴你 (你當然可以聽過便算啦!), 就係唔好吃咁多雞呀... 好多人都話雞係白肉, 有益!! 我以前都成日吃的...
回覆刪除但後期因為身體唔好睇了中醫, 佢叫介吃雞. 話因為雞既荷爾蒙會影響人既身體. 咁我介吃左(應該話只係好簡唔時才吃) 身體問題得到重大改善...
七七:因為我老公唔食海鮮,最鐘意食雞...雞又易煮,所以我成日都煮黎食...多謝你既提醒,不過都好難食少d架啦...今晚就改左食牛扒同羊扒啦 碧姬:都ok架,你都試下煮俾uncle食啦~~ JK:中西式既醃法真係好唔同,不過味道一樣咁好...你都試下啦~~
回覆刪除