琴晚老公有d頭痛,好早就話去瞓...但係又要我陪佢喎,結果10點幾就瞓著左啦
...連廳既燈同電話都無熄到~~一覺就瞓到大天光啦,仲要俾鬧鐘嘈醒左...於是我同老公就出左去大家樂食左一個豐富既早餐...然後就出發去廸士尼勒~~
雖然情人節,不過樂園入面既食物無加價喎(不過佢都係貴架啦)...午餐去左經濟實惠既火箭餐廳,兒童餐最抵包飲品,佢既薯條比麥當當好味喎,芝士burger就一般啦,而個雞肉米堡就唔係幾好味啦....不過$25一個餐就算啦~~
中間老公口痕,就去左米奇餅店買左個蘋果批,成$18蚊架...不過都幾大個~~
因為想睇埋8點鐘既煙花,所以就係樂園入面食晚餐...我地去左Corner Cafe(有人serve既)食西餐,
吳太:雞肉凱撒沙律+忌廉磨菇意粉+紅豆冰
吳生:雞肉凱撒沙律+香草扒春雞+芒果特飲
食物味道一般,埋單要$209...係樂園既正常價錢,不過今日如果出去食餐普通既都唔止呢個數...所以我都覺得ok架
沒有留言:
張貼留言