我自細就好鐘意食蘿蔔糕,以前每年既年初一,我地一家人就食成3大底蘿蔔糕做新年既第一餐,仲要嫌唔夠添~~媽咪年年都買翠園既蘿蔔糕,貪佢足料又夠蘿蔔味
...不過我印象中媽咪都試過自制蘿蔔糕架,我仲負責刨蘿蔔添,仲記得刨左好耐,好辛苦
到我結左婚,第一年既新年因為趕住搬入吳家吾居,所以都無點準備過新年,都係買左出名既八珍蘿蔔糕黎食,仲要老公唔係好食,因為所有蘿蔔糕都有蝦米...所以今年我一定要自制蘿蔔糕,唔落蝦米,咁老公就可以開懷大嚼啦~~
今次吳氏蘿蔔糕乃係合我地兩夫妻二人之力而成既,可謂有血有汗
我就不斷將冬菇臘腸切粒,都界到少少手指呀,不過好少意思...老公就負責批蘿蔔皮同刨蘿蔔,佢當正自己玩緊NDS既Cooking Mama咁,一路刨一路同我講話好easy...點知就出事啦,佢望都唔望下刨緊既蘿蔔,結果連佢手指公都刨到呀...好彩都係表皮,不過吳生好少痛到出聲,我諗佢都幾痛,我都有d心痛
佢另一個任務就係將個錫盆掃油,諗住好簡單啦,點知都係落得太多...要佢吸番d油先得呀~~好啦,終於都蒸好出爐啦...總共整左兩底...由8點整到10點半...聽日可以煎黎食啦,唔知味道如何呢
嘩............好勁!! 好叻!!
回覆刪除我都想整呀, 不過冇時間。同埋d份量總係唔太good, 好怕side左成担心機...
回覆刪除我都好鍾意食蘿蔔糕，每年阿媽整一底畀我都好快食晒
回覆刪除真係好有心機呢~~~
回覆刪除好彩我老公唔鍾意食蘿蔔糕，我唔使整 我媽媽每年都會蒸好多底蘿蔔糕（因為我們全家都愛吃） 所以我要食蘿蔔糕的話，會返媽媽屋企食
回覆刪除你倆公婆都好鐘意煮野食喎, 真係好恩愛呀!
回覆刪除sonson:係我鐘意整野食...一來慳d,二來可以整自己鐘意食既野,三來仲可以煮得健康d...你都煮多d啦 JK:其實我老公對蘿蔔糕都係麻麻,佢鐘意食年糕...不過我自己相反,所以想整蘿蔔糕多d 七七:都要有心機先會整架~~ thy:我新年起碼自己食一底蘿蔔糕架 朱太:係呀,要預3個鐘黎整呀...我都驚整得唔好味,不過好想試下整~~ 妙妙:我呢d初哥黎,邊到勁呢
回覆刪除