初九晚係小學同學既開年飯,今日唔算好多人,因為搞手都唔得閒打晒所有電話...無辦法啦,大家都忙於工作,不過都有9位出現,成績唔錯架啦~~
其中一位已經係失去聯絡10多年了,前幾日俾其中一位同學係街撞番寫低番個contact咋...我地好眼利啦,咁耐無見都認得番,仲要記得個中文名先勁呀~~呢位同學係美國工作,工作性質要周圍飛,有時都會飛番香港,佢聽日又要番去美國架啦...話時話,我地呢班小學同學真係遍佈世界各地,但係一個疊一個都可以約到大半班同學仔,都好厲害下
小學同學都係港島區人士,我當然就下大家啦,訂左係cwb泉章居八點半...雖然我呢排趕工要OT,不過我都番左娘家探下媽咪先再坐叮叮去食飯...好耐無坐叮叮啦,又可以懷舊下...哈哈
至於大肚同學已經於2月2日誕下左佢第2位公子啦,恭喜晒
...由於未坐完月就出席唔到啦,不過都有佢細妹黎,仲俾左BB相我地睇添喎~~
又過左愉快既一晚
最近呢兩幅相，你都靚0左兼上鏡0左呀 ，唔知係幸福吳太派利市派到容光煥發，定係你用0左之前新買的化妝品呢？
回覆刪除嘩, 好勁呀, 小學同學都仲有keep住聯絡~ 我d小學同學都失散晒lu
回覆刪除lover:好多人都咁講呢~~不過我比較奇怪, 中學同學無咩聯絡,反而小學同學keep得好(有幾個一齊升上中學既我都歸入小學同學架)...都係人夾人緣啦 Sher:嘩,睇到你呢個留言真係超級開心呀 我都覺得呢兩張相影得我幾靚 ,所以post出黎...haha(真係唔知醜 ).....小學同學呢張就無化妝既(番工邊有時間化妝喎 ),另一張就有(我覺得有化個張靚d)...我諗好大因素係我轉左個髮型,好多朋友都話好好睇...另外我又箍完牙啦,又有keep住3個星期出去做一次facial啦,可能因為咁靚左卦....仲有就係我無帶眼鏡映相,唔知點解帶左映既話就無咁靚架啦~~只可惜我既身型就好唔掂啦,唉
回覆刪除yan, 都話你現在髮型襯你~ 你家下真係靚好多架~
回覆刪除