其實我屋企樓下都有幾間出名既食肆架,例如老趙越南餐廳、堂記腸粉專門店...仲有就係添記三文治專門店啦~~
今日下畫番到屋企之後,老公同我就煲Wii啦,終於都算打爆左隻Rabbids Party啦
...就係因為咁我地今晚就係附近既添記三文治專門店買左個大($30)法式越南三文治一開四兩份食,好多餡料架...平時我唔鐘意食生既蘿蔔絲,不過呢度既蘿蔔絲係醃過既,酸酸地好好味架,多多都食得晒...仲有扎肉,火腿,青瓜,碎肉....麪包脆卜卜...總之就好好味啦,我老公由細食到大,係心水推介黎架
另外,見樓下開左間由印巴人士主理既"囍囍",就買左隻雞脾同羊肉薄餅黎食...都唔錯喎,有機會試下佢既咖哩先得~~
嘩.......好正呀.....我都好想食呀.......
回覆刪除添記真係一間好出色既街坊小店...淨係賣呢隻越南法飽架咋
回覆刪除我都想試下個法包... ...我好鍾意食法包o架
回覆刪除越式三文治真係未食過，好似幾特別喎！ 羊肉薄餅，就唔係好啱我嘞！我怕"穌"呀！
回覆刪除你屋企附近有咁多好野食既...又係好介紹 等我有時間都去食下先 ~
回覆刪除碧姬:係呀,屋企附近都幾多好野食架...好多人特登揸車黎食架~ little bunny:越南以前係法國殖民地,所以越式三文治就用法包整既...好好味架~~至於個羊肉薄餅其實好少羊肉架咋,我就唔覺蘇...不過間舖都有好多其他餡料選擇~ JK:係呀,咁你要去試下啦
回覆刪除