范生係我大學既師兄,佢好錫我呢個師妹架~~
佢遲我一個月結婚,我都有幫下佢手咁架...范氏伉儷都係銀行工作,上年都係搵佢幫手唱利是錢既...今年亦唔例外啦
今日老公約左同事去踩單車加BBQ,而我夜晚約左9月新娘食團年飯,所以諗住晏晝係屋企自己試整蘿蔔糕...點知范氏伉儷打俾我問我得唔得閒,可以俾唱好左既錢我...所以我就叫左佢地兩公婆上黎我屋企坐勒~~
我當然介紹佢地打Wii啦,佢地亦係首對朋友正式加入Mii既大家庭...佢地都覺得好得意,仲玩得好開心添~~范生玩得太激動,打到我個茶几"框框"聲呀,幾驚佢打到我個手掣飛出街呀
范生好勁呀,第一次玩體能測試就去到35歲,極之接近真實年齡
...我最叻都係47歲咋,老公玩左3次先有27歲呢...可惜范太就72歲...唔緊要,下次會好d架啦~~
范生仲請我去食下午茶,咁耐無見都咁錫我,真係唔話得勒
...雖然只係短聚左2個鐘,不過真係好開心,仲要唔該晒佢幫我唱錢,唔係我就無利是派俾大家架啦
沒有留言:
張貼留言