我一向都好少護理我既髮型,一來唔知去邊間salon好,二來唔知剪那種髮型好,三來就算整得靚靚我平日又唔keep住立野,所以成日由得佢自生自滅
....回想起黎,最悉心料理呢把三千煩惱絲都係臨結婚前個半年,第一次染髮,第一次整highlight...個次既髮型係我有生以黎最靚既(唔計set頭),個次係新娘化妝師介紹我去搵佢係Hair Culture既相熟師傅,雖然貴,不過都覺得值
之後係上年新年我就去電左髮(都係第一次呀
),不過因為Hair Culture太貴,所以是但係尖沙咀搵一間整就算,不過印象中都要成六百蚊,由於我無悉心呵護,半年左右已經直番啦,而且我又習慣梳頭...鬈髮真係唔係幾適合我
,而且頭髮亦因此愈黎愈乾仲有開叉添喎(又係第一次)
經過左成年,我d頭髮已經長到及腰位置...其實我好想剪左佢,可惜我每個月都講去剪頭髮,但係一直無行動
踏入2月份,新年在即,今日下畫去完牙醫度覆診就決定去搵番Hair Culture個師傅剪頭髮...阿師傅竟然認得我(年半無去都仲認得
)...仲問我點解咁耐唔黎整頭髮,佢問我有無幾個月...我都唔好意思同佢講有年半咁耐啦
剪刀一揮,我d頭髮應聲而下...我一d可惜都無喎,仲好開心添
....我仲染髮同highlight添呀,埋單要$1120...雖然好貴,不過除開12個月既話都係一百蚊o者....唔知我會唔會又忍一年到出年新年前先去salon呢
第一個反應係想拍手掌.. 因為的確唔錯呀..好襯你呢... 我都會係星期日剪左我依把頭髮..到時俾你睇下我既新形象啦 ~~
回覆刪除好好睇，好襯妳 不過呢個長度會唔會好難打理？？
回覆刪除直頭髮很清新... Good 呀!!!
回覆刪除Hair Culture 真係好貴架，不過最緊要剪到你滿意，下次你嚟試吓我個師傅啦，佢喺銅鑼灣，應該可以平Hair Culture三分一
回覆刪除Hi 雖然我遲大到，不過好過無到 新髮型掂 相信你黎緊新一年都會樣樣掂！
回覆刪除yan yan, 今日唔好意思呀... 你個新髮型靚過之前個個呀~ 千一蚊都唔算貴啦~ 我剪開個間係荃灣都收13xx... 不過靚就值架啦~
回覆刪除魚露:無緊要,你honey好番未呀 ...係荃灣剪都要千三咁貴 Joey媽:嘩,好開心見到你留言呀 ...唔止我可以樣樣掂,就連你一家三口都一樣掂~掂~掂~ thy:平三份一都好喎...我下次就搵你介紹 七七:多謝喎...宜家周街都係鬈髮,相信會興番直髮架啦 JK:係咩 多謝你呀...呢個長度都無咩問題既,我驚一時之間剪得太短接受唔到麻...所以剪到shoulder lor 碧姬:要拍手咁嚴重 ...咁你打算點剪呀?
回覆刪除我打算剪到短過 shoulder 呀..好耐未試過...希望唔會太難睇啦...
回覆刪除