今日既晚餐好似早餐呢,不過又飽又好味喎~~
早前係Miss Jubie個blog見到呢個好特別既蛋多士,我見原來整法好簡單,老公又鐘意食麪包,我又鐘意食蛋,所以決定試整呢個蛋多士~~
真係好容易架咋,只要將白麪包烘一烘,然後用杯係麪包中間壓落去,轉下佢就可以拎走中間既麪包架啦....跟住燒熱煎pan落牛油,放入麪包,再係中間位置放入雞蛋,落少許鹽、黑胡椒再反轉煎,加d basil係面就搞掂架啦
咁中間既麪包我就搽埋琴晚用剩既蕃茄醬,再灑d芝士粉擺入焗爐焗多陣,無肉既話老公一定嫌單調左d,所以煎左兩條牛仔肉香草腸,加埋牛油粟米做配菜,呢個早餐式既晚餐就完成勒
大家都試下蛋多士啦,真係幾好食架
你又match得幾好喎! 等我用黎做早餐先!
回覆刪除[版主回覆11/09/2007 21:49:00]試下啦,應該係個好吸引既早餐~~
呢個幾得意喎，等我又試下先... ...
回覆刪除[版主回覆11/09/2007 21:49:00]係呀,我就係見好特別所以整黎試下...味道仲好唔錯添~
比我, 唔夠飽.
回覆刪除[版主回覆11/10/2007 11:51:00]唔係喎,真係好飽下架,連我老公咁大食都話飽~~你梗係眼闊肚窄d人勒~~
整咗喇~謝謝食譜!
回覆刪除蛋多士
[版主回覆11/29/2007 22:13:00]整左啦,易整又好味呢...我都覺得咁樣整好好味呢