合家歡曼谷遊 ~ Eattion VS Mango Tree Day 4.1

3點幾就去到機場啦,好在可以早d check in~~跟住就係去搞退稅啦,都退到七百幾匹架...因為未食晏,我地就搵餐廳食野啦....本來想試Mango Tree既,不過又唔肯定係咪係禁區內,所以最後去左間叫Eattion既食住d野先~~

呢間Eattion d野唔算貴,不過碟頭好細,個碟泰式炒河都唔知有無3啖河粉~~最估唔到反而係佢個公司三文治幾好味~~

跟住入閘啦,為左用埋手上既泰銖,我地就再買左d芒果乾,冬蔭公湯包~~最後終於俾我地見到Mango Tree啦,旅遊書話係港人必食喎~~

其實都係一間cafe仔,蝦餅同魚蛋麪味道都唔錯,價錢亦相宜...總算叫試左啦

食完都係時間要上機lu~~上機前見到白花油王子呀,顏生佢就係我同老公前面咋,真人好黑呢~~佢同個女人一齊喎,不過佢就去坐頭等,個女人去左坐經濟位咋~~

今次既飛機餐就無咁出色啦,事關輪到我地時只係得番魚飯咋...不過我同空姐講老公真係唔食魚,可唔可以俾其他野佢食呀....結果老公竟然~竟然~可以食牛扒闊麪,我諗應該係商務位既餐啦,因為連個餐具都唔係用錫紙盆架...早知我都話唔食魚啦~~

返到屋企成12點幾呢...第2日仲要番工呀....呢個合家歡曼谷遊就圓滿結束勒~~

期待下一次既旅程