細細妹一直好期待係曼谷做Spa,雖然我已經book左第3日做Spa,不過行左成朝,細細妹已經頂唔住話好攰,話要做下按摩喎~~
我見大家都唔想再行商場,於是即刻加插按摩活動,係水門街附近既Big C後面剛好有間做massage既小店《Indara》,於是就帶左大家去勒~~
雖然係小店,不過裝修都過得去,我地選左一個特價既磨沙+全身按摩套餐,每人泰銖1100(HK$255)~~而老公同阿爸就做一個叫冬蔭公既全身按摩,每人收泰銖1000(HK$231)...不過話明係小店,所以唔夠房喎~~
結果佢地問我地介唔介意行過隔黎街,因為個邊先有房~~我同細妹,阿爸同老公都無反對,原來隔黎街既《7th Sense》同佢地係姊妹店喎~~旅遊書兩間都有介紹,仲話7th Sense係新開無耐架,我地呢邊做完之後仲有甜品食,雖然味道普通都叫有服務呀,不過係Indara個邊做既阿媽同細細妹就無喎~~
我覺得呢間按摩師既手勢叫做ok啦,平平地志在休息輕鬆下,大家要求唔高,係附近行商場太攰都可以考慮黎呢度按摩下~~
咁當然同我聽日去個間Spa就淨好遠啦~~
我都經過indara，不過無入去按... ... 原來佢同7th sense係姐妹店，真係唔講唔知
回覆刪除[版主回覆11/06/2007 22:12:00]我本來都無預去按架,唔係細細妹話想按都唔會加插呢個行程~~
唔係無房,我都唔知原來佢地係姊妹店呢~~
咦~~如果我無記錯, 上次我去曼谷就係去呢間呀, 附近仲有間big c supermarket的.....我係入面....傻傻地買左一箱冬陰公麵呀~~一個星期唔夠就分晒俾人lu, 我d屋企人不知幾鐘意食呀!!
回覆刪除[版主回覆11/06/2007 22:13:00]係呀,big c就係附近之麻~~你買左成箱公仔麪番香港咁勁,拎到手軟喎~
我一向唔太鍾意按摩，因為我真係唔慣畀人摩，尢其係啲敏感部位(例如大脾。另外我唔鍾意老公畀其他女人摩，雖然我知唔係色情野，但係佢摩你老公全身喎?你地唔介意既咩
回覆刪除[版主回覆11/06/2007 22:16:00]我成家人同老公都好鐘意按摩架喎~~按完真係唔同d架~~
我又唔介意老公俾人按喎,可能細細個已經同阿爸揼骨按摩,所以唔覺有咩問題...我只係覺得按摩係一種好有效去消除疲勞既方法,就好似睇醫生咁之麻~~
Shopping完，攰攰地，做個Spa，又幾好喎！難得你成家人都啱喎！
回覆刪除[版主回覆11/06/2007 22:16:00]係呀,我屋企成家人都鐘意架~~