今個月係Joey媽既生日,當然要搵佢出黎食下飯啦~~今晚就辛苦Joey爸湊住囡囡先,等我地可以傾餐飽~~
茹時今日放假,所以就選左就近我同Joey媽工作地點既九龍灣...係毫無頭緒之下,最終定左去淘大既錦日本料理~~
難得Joey媽今日唔使帶住囡囡,我地可以好好咁傾下計啦~~雖然我地通過blog都對大家既生活有一定了解,不過有d野始終係要傾開先會講既....今日傾得好開心呢
食物方面,我覺得個天婦羅烏冬都唔錯...牛肉蛋卷都幾好...其他野(甜蝦壽司x 2、三文魚壽司、海鮮飯、雞腎串)就普普通通啦...不過價錢相宜,呢餐埋單都唔使二百~~
之後仲去左隔離食糖水呢~~
與你的想法一樣，天婦羅烏冬與牛肉蛋卷不錯，其他就麻麻0地。
回覆刪除我覺得就係因為我們互相睇blog，了解基本近況才更有滔滔不絕的話題呢！否則有時真的不知從何說起噢！
我在淘大只是行了一間店，再去德福行到10點，收獲就冇，但試了一對長靴幾鍾意，好貴，要慢慢諗0下睇多幾間先得！
[版主回覆11/21/2007 20:32:00]咁又係,可以引起更多話題~~
如果你呢幾日都掛住對靴,咁你都係快快去買勒~~
每逢到食晏前, 都咁岩得咁橋入左你 blog.... 真係會好痛苦.... 因為面對的... 不是你所煮既美食, 就係係食店既正菜........ 下次真係要食完晏先入黎啦~
回覆刪除[版主回覆11/21/2007 20:33:00]見到美食又點會痛苦呢~~不過可能會令人快d肚餓就真
能和朋友訴偈、食飯、談心真好，好羨慕！
回覆刪除[版主回覆11/22/2007 20:10:00]唔使羨慕,行動最實際,快d約朋友啦~
多謝你地請我食飯呀
回覆刪除記憶所及，自從Joey出世之後，你地應該次次都見到我地兩母女一齊出現，今次係咪第一次我單獨赴會？
雖然我好掛住個女，但又好enjoy我地咁暢所欲言咁傾計。間唔中一次，真係幾正！
[版主回覆11/23/2007 23:23:00]我記得上次去功德林你都係單獨赴會既,不過兩父女就太掛住你,要黎接你走呢