哎,老公已經唔舒服左幾日,今日勸左佢好耐先肯請假睇醫生,而我又請假同佢去睇醫生啦~~醫生話係上呼吸道感染而且咀唇仲有皮膚敏感,宜家d病名真係專業,搞到好似好嚴重咁~~
同老公去左食澳洲牛奶公司既常餐做晏畫就要佢番去屋企繼續休息...呢d病都係要有充分休息先會好既....而我就決定煲粥做晚餐啦~~
知道老公唔鐘意淡而無味又無肉既白粥,不過上次靚太教話有病唔好食雞粥,所以我就去買左d牛柳絲整牛肉粥lor...我鐘意明火煲粥,粥底都煲得幾綿下架(米同水既比例係1:15)...唔錯唔錯...不過老公依然嫌味淡,不過病係要食淡d架啦~~
另外整個冬菇白菜煲等佢都有d菜食下啦...好味道呢~~
冬菇 Ｄ花是不是自己整的？好有心機！
回覆刪除[版主回覆11/26/2007 23:16:00]係呀,不過我係用廚剪剪架咋...所以好快就得,唔使好多心機~~反而d粥要多d心機~
畢畢哥哥：
回覆刪除哎吔，你唔舒服呀，Yvonne姐姐一定好擔心你喇！
好多時傷風、感冒都係叫做「上呼吸道感染」，其實只係好小事，只要你多啲休息，再加埋食多啲Yvonne姐姐既愛心靚粥，一定好快好番，嘻嘻～～～
祝速速康復！
小Joey
[版主回覆11/27/2007 20:08:00]Joey媽同小Joey真係有心勒...
畢畢哥哥話:"乖乖...遲d同你影靚相"
畢畢哥哥已經好番好多啦~~
我老公最鍾意食柴魚花生粥 病就要食瑤柱白粥 佢唔鍾意食牛肉粥艇仔粥，佢話多料得滯喎～～
回覆刪除[版主回覆11/27/2007 20:10:00]我老公好多粥都會食...係唔鐘意食白粥lor~~
我咁大個女淨係識煲電話粥，其他粥都未煲過 ，而且阿媽話煲粥啲米要用酒同水撈完浸過夜先好味，所以老公次次唔舒服都趕唔切煲粥，淨係整粉，等我搵日試吓先
回覆刪除[版主回覆11/27/2007 20:11:00]我都見有d食譜話要浸過夜,不過今次我只係浸左1個鐘都ok喎~~
我老公又係只鍾意食有料的粥!! 哈...應該話有肉粥!!
回覆刪除[版主回覆11/28/2007 21:53:00]口味真係相似喎~