係酒店放低行李都係時間出去食晚飯勒,我見好多人去曼谷都會去唐人街食翅,而我去左2次曼谷都未去過,所以就決定呢晚去唐人街見識下~~
原本打算搭BTS再轉的士既,不過阿爸話問下酒店reception,結果佢地話的士都唔係好貴,於是就分左2架的士搭去勒,用咪標計都係泰銖50(HK$12),除開都係$4個人咋,果然係抵喎~
晚飯地點去左口碑不俗既《中國城銀都魚翅》,不過佢d翅都唔平喎,最後叫左
紅燒魚翅(中) x 3:可能期望大,所以對味道有d失望,而且魚翅亦唔算好多,叫做見識過啦~~
粉絲蟹拑煲:粉絲入味,蟹拑好大隻啖啖肉,不過味道只係普普通通~~
黑胡椒蟹:呢個我覺得幾惹味呀,不過好似細隻左d~
清炒豆苗:佢用溫室豆苗,而我本身就鐘意食普通豆苗多d~
煎倉魚:我覺得煎得好香脆,不過略嫌乾左少少~
炒鹿肉:呢味係老公叫黎試既,不過鹿肉味道麻麻地~~
整體黎講只係普普通通,屋企人似乎亦不太欣賞,但係呢餐都唔平喎,用左9折優惠卷都要泰銖4370(HK$1010),雖然人均消費唔使二百,但係好似唔係太值得喎~~我諗都係香港食中餐最好味~~
我當年去唐人街「海外天」食lunch，紅燒蟹肉翅 (泰銖500) + XO醬帶子 + 粉絲蝦煲 + 汽水白飯 + 冰糖燕窩一碗，每人唔駛100蚊，味道不錯！
回覆刪除不過始終泰式的中菜烹調方式與香港係唔同style！
[版主回覆11/02/2007 21:52:00]海外天我都有聽過,不過又係有d劣評,所以最近無選到~~我諗食lunch應該係平過夜晚...不過日頭既唐人街有無夜市咁熱鬧呀?
睇賣相都係麻麻地
回覆刪除[版主回覆11/04/2007 01:04:00]所以都係唔使係泰國食中菜~~
因為我的行程編排包括一早搭船到皇宮參觀，之後去唐人街食lunch就剛剛好！不過你的家人對皇宮無興趣啦！
回覆刪除如果你老公鍾意影相，下次有機會可以去0下皇宮，好多靚野影0架！
[版主回覆11/05/2007 00:05:00]我都知去睇皇宮好多野影,不過屋企人唔鐘意睇呢d野,所以就無去lor...其實我去左3次都無去探下d皇宮真係唔係幾得
係呀, 我都覺得唐人街食翅, 都係貪過下癮,價錢吾算好平,味道又一般.香港雖然貴啲, 但好食好多.
回覆刪除[版主回覆11/05/2007 00:06:00]見都第3次去曼谷咪去試下lor...不過再有機會去就唔會去食lu~