2007年10月27日 星期六
在我預訂旅遊套票時,早上的航班已經沒有機位了,唯一可以選擇的就是下午3時50分的一班~~雖然好似蝕左半日,不過屋企人可以瞓夠先出發都好既,如果凌晨5點要佢地去機場都無精神玩啦~~
本來打算各自出發去機場再集合,不過最後阿爸安排左公司車兜晒我地一齊入機場....真係好勒,可以慳番廿蚊巴士錢
今次我買既套票係坐國泰機既,老公話佢第一次坐CX呢(因為通常我地兩個去旅行都係坐平價d既航空公司)...不過機位無想像中咁闊落,阿爸阿媽仲話比泰航窄添~~
不過最值得一提既就係個飛機餐,阿媽同老公話佢地個西蘭花牛肉飯好好味喎,係第一次覺得好味道既飛機餐~~我地既螺絲粉就無咩特別,不過我最開心既係有Mega雪條食
利害, 仲咁快手出第一篇post!
回覆刪除上次我坐泰航, 機餐係梅菜扣肉飯,
竟然, 竟然出奇咁好味, 好食過吾少酒樓, 奇!
[版主回覆11/01/2007 17:22:00]梅菜扣肉飯咁搞野~~仲要好好食添呀,有時d野真係估你唔到~~
我都係未搭過國泰、港龍、泰航呀咁，因為自由行一定慳家買平機票，或者遲0下人老左跟多d團會有機會啦！
回覆刪除[版主回覆11/01/2007 17:23:00]不過我今次國泰package都唔算好貴~~
下次留意下或者都好抵呢~~
成個飛機餐，我最想就係食Mega雪條呀！
回覆刪除[版主回覆11/01/2007 17:23:00]係呀,我老公仲食左2條添呀~~
咁快出到卜,勁呀!我好鐘意搭國泰!十一月我去大阪旅行都會搭國泰!希望也有Mega雪條!原來可以食兩條慨!
回覆刪除[版主回覆11/01/2007 22:25:00]我心急麻~~
至於條雪條係因為我細細妹唔食,所以老公食埋佢lor
國泰啲飛機餐出晒名係正架，好味好味，長途機我最鍾意揀佢，肚餓都可以叫啲靚女沖個杯麵畀我吃，不過就畀平時食到既淡啲囉
回覆刪除[版主回覆11/02/2007 22:17:00]係咩,原來國泰飛機餐咁出名架~~