商場出面就係的士站,好多的士排住隊等客~~
今次我地要去既地方係位於Phra Ram 9既RCA商場,因為唔近MRT,所以要搭的士,阿爸佢地又好順利上左車,我地又問左好幾架先上到車呢~~
因為正值放工時間遇上大塞車呢,好似坐左成45分鐘,不過車資都只係100匹,好抵呢~~
今次呢位的士司機好搞笑,一上車已經不斷同我地講泰文,我地擺明唔知佢講咩,但係佢依然興致勃勃咁講落去,我地覺得好搞笑~~老公仲同司機講"咪溝仔"(係泰文黎架,表示唔明白咁解),跟住司機即刻笑笑口咁跟住講"咪溝仔",我就叫老公唔好講啦,費事司機以為我地識泰文啦~~
最奇係明明見到RCA商場個牌,但係司機唔知正確門口繼續行駛...最後佢竟然落車走左去問路喎
...佢真係唔驚架車俾我地揸走架咩....最後終於到達,阿爸佢地等左我地好耐呢~~
我搭的士無問題，不過搭tuk tuk就有o的激氣（車我o地去食海鮮）同有o的驚（夜媽媽行橫街窄巷......)
回覆刪除[版主回覆11/09/2007 22:02:00]我唔敢搭tuktuk呀~~
咪好囉~我去嗰次的士兜路仲要扮傻~錢唔係問題呀~佢晒咗我地大半個鐘喺原地兜路~其他d friend 坐另外嘅的士要呆等我地~~!
回覆刪除[版主回覆11/09/2007 22:02:00]我就係驚遇到呢d司機lor,好彩so far都無遇到~~