合家歡曼谷遊 ~ Apsara泰菜船河晚餐(上船篇) Day 2.6

因為四季酒店Sunday Brunch出現阻滯,所以我就再搜尋下有無其他活動代替啦~~結果係thailandfan個網睇到一篇新料,就係一邊坐船遊河一邊食晚飯勒,我覺得幾有特色,而且去左兩次曼谷我都無遊覽過昭伯耶河,於是就決定訂位勒~~

原來船河晚餐好多公司都有搞,Apsara因為屬於Banyan Tree所以價錢相對係貴左d架...不過我都有睇過其他船河晚餐既資料,例如Grand Pearl,價錢比Apsara平左百幾蚊港幣,而且架船係遊艇,又有live band,又食buffet好似好吸引,但係討論區好多人都話食物超難食~~我覺得Apsara雖然貴左少少,但係食物係Banyan Tree出品喎,架船雖然原始但係特別d,船上無表演勝在可以靜靜地享用晚餐,架船最多只可以有60個客,比起閒閒地百幾人一齊食,服務當然貼心好多啦,而且用餐時間比其他充裕,多成個鐘架....所以最後我都決定訂Apsara

跟據沖哥既指示,我係同agent預訂既,價錢比直接同Banyan Tree訂平左大約HK$50,6個人夾埋都平成三百架...不過就要係香港full pay左先,好在阿爸公司既傳真機可以fax去泰國,唔係都訂唔成呢~~最後每位既價錢係HK$495~~

Shuttle Bus車到去上船地點River City,原來呢個碼頭好旺架喎,好多人都等緊上船食Cruise Dinner....而我地既上船時間係19:45,因為早左15分鐘到達,大家就行左陣商場(不過無咩睇,因為多數賣貴價手工藝品),又睇下其他船咁啦~~

http://www.thailandfans.com/eat20071019.html