本來我係諗住係Siam Paragon附近間Ban Khun Mae食泰菜既,不過我見琴晚阿爸話想食地道風味既檔口,於是我見時間尚早就提議去水門街食海南雞飯勒~~
由Siam Paragon行過去其實唔係好遠,不過可能因為一早就開始行,之後又係行商場,所以屋企人都唔係好想行,不過最後都捱到去水門街(Big C後面既十字路口右邊條街)~~
好在我都有搜集資料,知道好多人推介著粉紅色衫個檔....行到中間就見到勒~~
去到既時間係滿座呢,好在都搵到檯坐~~阿爸真係對呢d檔口好有興趣,即刻出去睇下叫咩食,不過都係得番雞啦~~
最後每人一個油飯,一碗胡椒雞湯,半隻海南雞~~
大家初初都無咩期望,不過食落都話好味道...特別係阿媽呀,佢好滿意呢,仲話好耐無食過咁正宗既海南雞飯添~
胡椒雞湯:大家都覺得好好味,而我都覺得唔錯,不過就真係好重胡椒味勒~
油飯:老公勁愛吃,我都覺得好好味~
海南雞:唔鐘意食雞既細細妹都鐘意食喎,阿媽亦大讚~~不過我覺得其實有d"鞋",老公就覺得味道偏淡,不過我地依然encore叫多半隻~~
因為太熱,我地再每人叫左枝可樂~~呢餐只係泰銖480咋(HK$110),每人都唔使廿蚊呢...超抵....好在大家都滿意,唔係佢地行餐死又唔好食,我就真係大煲啦~~
我都有去食水門雞飯呀 不過我同老公都覺得新加坡的比較好味～～
回覆刪除[版主回覆11/05/2007 22:50:00]我諗新加坡應該係最正宗既海南雞出產地~~我細細妹都話新加坡個d都好好食~
嘩~~你真係好有心機寫d行程喎~~~連d details都寫得咁清楚
回覆刪除我通常寫多幾行已經無乜心機架喇~~
[版主回覆11/05/2007 22:51:00]係呀,人老啦麻,要寫詳細d先記得架~
你又係去左泰國喎！我o岩o岩去完JK度黎！heee
回覆刪除[版主回覆11/05/2007 22:51:00]係呀,我地同一日出發添呀~~
呢餐好抵喎！
回覆刪除[版主回覆11/05/2007 22:51:00]簡直抵到爛啦~
抵喎！！！
回覆刪除上次第一次去泰國，又會落芭堤雅，所以唔敢試d風味檔口，怕會肚痛嘛！不過下次我會夠膽試0架lu！
[版主回覆11/05/2007 22:52:00]呢個檔口有舖位,算係好乾淨架啦,所以應該無問題既~
我上次淨係食左Siam Paragon food court入面啲雞飯咋,
回覆刪除味道吾錯喎, 可能我無咩要求掛, 覺得好似檔檔雞飯都差吾多.
[版主回覆11/07/2007 20:28:00]咁係food court食同係街邊食又唔同feel既~~