琴晚煮意粉既時候,老公走入廚房話佢買波又中左幾百蚊喎...咁我就話點解唔早d講,咁我就唔使煮意粉可以出去食餐好啦~~其實我都係隨口講,點知老公今日放工打黎話出街食喎~~
凍凍地,本來打算去意粉屋食芝士火鍋既...不過行到去附近,我就醒起好耐無食既北京酒樓...好多次想去食都因為太多人食唔到,今日去到時間尚早,有位喎(佢呢度無細檯,2至3位都係要搭檯架)...結果就轉左食京菜勒
呢度出名食北京填鴨同涮羊肉....不過得我地兩個點食呢d野呢,但係可以叫另一樣經濟d既名菜 -- 山東燒雞
山東燒雞($68):係手撕既,大大隻,肉質嫩滑...加上佢既秘制醬汁,真係好味到停唔到口架
鮮肉鍋貼($40):無諗過一碟有咁多隻,熱辣辣,皮脆多汁,好味道~~
肉絲炒麪($32):味道雖然唔算好突出,不過勝在真係手拉麪黎架...條條都粗幼不一呢
,口感一流~~
前菜:係花生同酸菜,老公好鐘意呢度d酸菜呢~~
高力豆沙:雖然只係微暖,不過係送既就無所謂啦~~
呢餐食左$178,不過非常飽又好味...仲比意粉屋既芝士火鍋抵食呢~~
我也喜歡吃北京酒樓的山東燒雞~~
回覆刪除[版主回覆11/28/2007 22:11:00]係呀,真係好好食~~
北京填鴨 ，我鍾意食呀.......高力豆沙 ，可唔可以加埋香蕉呀... 下次我地gathering又嚟食囉
回覆刪除[版主回覆11/29/2007 22:15:00]唔知可唔可以加香蕉喎,不過佢有拔絲香蕉食架,可以試下~~
去呢度食一定要訂檯先得喎~
好呀, 我都好耐無去, 見到都想食
回覆刪除[版主回覆11/29/2007 22:16:00]你出得街咪呀?幾時gathering好呢?
where is this restaurant? can u tell me its address?
回覆刪除[版主回覆11/29/2007 22:18:00]佐敦彌敦道227號1樓呀,係間夜總會樓下...hahaha
去食記住訂位呀(tel:2735 1316)
我其實一直都有出街, 不過唔好得遠. 最近好左好多啦!
回覆刪除[版主回覆11/30/2007 23:08:00]好左好多咪好lor...睇黎你應該適應左啦喎~~
我唔係太鍾意食羊都覺得呢度的涮羊肉好好味！
回覆刪除有機會都要試0下山東燒雞！
[版主回覆12/03/2007 21:04:00]你食過佢既涮羊肉啦,我未試過呀...好想試下呢~