今晚晚餐好豐富
,而且有新菜式,所以比平時煮得耐左少少,8點先可以開飯呢~~
白汁芝士焗豆腐:
呢味新菜其實係參照和民既一口芝士豆腐既
...豆腐咁平又係我既至愛,所以今日又買左一磚返屋企~~但係又想搞搞新意思,所以諗起呢個餸~~嘩,大成功呀,我同老公都覺得好好味呀
...唔係講笑,直頭拍得住和民呀
蒜香洋蔥炒雞胸:
今日買左有骨雞胸,用上炸蒜,洋蔥同豆豉炒,味道唔錯呀,加左炸蒜同以前就咁用豆豉炒惹味好多...老公話呢個新方法炒得仲好味
棷子雞湯:
呢個係係泰國機場買既湯包,雖然湯包入面已經有少少雞肉,不過我都將件雞胸有骨既部份放左入去一齊煲~~因為湯包只係得一碗份量,所以我加左d雞湯,味道依然唔錯,好味道~~
咖哩白菜肥牛粉絲煲:
見肥牛特價所以又買埋,於是就整左呢個咖哩白菜肥牛粉絲煲,yummy yummy
呢餐雖然咁豐富,不過其實只係用左$35咋(唔計已經係屋企有既泰國湯包),就算留左飯盒都飽到上心口,之不過今餐真係好味道
你煮飯真係好快手呢!
回覆刪除最衰我屋企無焗爐啦, 攪到無得試個白汁芝士焗豆腐添~
[版主回覆11/15/2007 22:04:00]今日唔算快啦,洗埋碗都已經9點幾啦,平時8點半就已經搞掂晒~~
唔緊要啦,遲d咪買個焗爐lor~~可以整多好多野食架~~
煮好多餸呀,真勤力!很美味呀!
回覆刪除[版主回覆11/16/2007 00:11:00]難得有心情,一於煮~煮~煮~
我想問點煮架...好似好好味
回覆刪除[版主回覆11/16/2007 00:16:00]你係咪問個白汁芝士豆腐呀~~
1.豆腐切件略煎
2.煮白汁:用油爆麪粉(拌勻免起粉粒),加入清雞湯,少許牛奶煮滾即成
3.將白汁淋上豆腐,撒上巴馬臣及蒙沙維那芝士,放入焗爐焗至金黃色即可~~
嘩．．你地屋企都好鍾意食芝士播！
回覆刪除[版主回覆11/16/2007 00:16:00]係呀,我地都係芝士迷~~
嘩．．你地屋企都好鍾意食芝士播！
回覆刪除哇！好好味的住家飯，正！！
回覆刪除[版主回覆11/16/2007 00:16:00]今餐真係幾好味
一開始睇相，已經覺得好正。
回覆刪除睇埋價錢，原來只需$35，仲要包埋第二日lunch既飯盒，真係抵到爛
[版主回覆11/16/2007 22:23:00]係呀,自己煮的確係慳好多~~
嘩,我都對個豆腐好有興趣, 睇左你講煮法了.., 仲想問呢
回覆刪除煮白汁呢, 油爆麵粉, 係開左水的麵粉嗎?
另外, 芝士係咪一片片咁鋪面架?
[版主回覆11/16/2007 22:30:00]d麪粉係唔使開水架,就咁放入油,搞勻佢再放雞湯牛奶,落埋忌廉仲好,不過屋企無忌廉所以無落~~
片裝芝士焗出黎既效果無咁靚既,我通常都係買d已經刨絲既芝士黎用~~就咁鋪面就ok架啦~
好想食你d野呀.....
回覆刪除[版主回覆11/16/2007 22:31:00]你休養好就帶埋b女上黎開p啦~
整倒餐好味的"送"真係會好開心啦！
回覆刪除[版主回覆11/16/2007 22:32:00]係呀,好有滿足感呢~
我都想食芝士豆腐 不過我老公唔鍾意食芝士... ...
回覆刪除[版主回覆11/16/2007 22:32:00]但係好多焗野都係用芝士架喎~~
嘩... 全部都焗... 會唔會好"漏"...
回覆刪除呢一餐好豐富呀！仲有埋雞湯
回覆刪除[版主回覆11/16/2007 22:33:00]係呀,所以食得好飽~
sorry 睇錯o左... 原來得一個係焗... 差唔多顏色以為全部都係焗...
回覆刪除[版主回覆11/16/2007 22:33:00]一個焗爐通常都係整一樣焗野架咋~
芝士豆腐!!正wor~好勁呀你
回覆刪除[版主回覆11/16/2007 22:34:00]哈哈,你太客氣啦....我都係勇於嘗試o者
咖喱+白菜???
回覆刪除[版主回覆11/18/2007 01:53:00]係呀,好味架~~