今日老公係金鐘PP上堂,我放工之後就去接下佢落堂,細細妹又係金鐘返工所以順便歸還擺左係我度既泰國手信~~
一場黎到就食埋晚飯先返屋企啦,行下行下醒起灣仔春園街既新景園出名既咖哩豬扒飯,於是就同老公入去試下~~
咖哩套餐都要成$52架,唔可以話平,不過真係幾好食呢,我地叫左兩款咖哩share食~~
湯或汽水:今日係青紅蘿蔔湯,我同老公都想飲湯,幾清甜,ok喎~
油菜:菜都幾翠綠亦見鮮甜
咖哩豬扒飯:豬扒炸得好鬆脆,而且炸粉好薄~~咖哩汁味道亦好香辣,薯仔亦好好味,只係得一舊太少勒~~
咖哩牛腩飯:牛腩雖然大大舊,但係炆得好鬆化喎,讚
新景園既咖哩果然值得一試喎,我見午餐外賣飯盒賣$22,唔怪之得話晏畫呢度人山人海啦,以前係灣仔返工都無食過添~~
我都常去, 好味ga!
回覆刪除[版主回覆11/04/2007 01:01:00]係呀,原來你成日去~~咁佢個干炒牛河係咪好正架?
鐵男好鍾意食豬扒，所以呢間食肆一直on list，可惜未有機會試。據聞午餐外賣飯盒只得一塊豬扒，不過點都係抵0既！
回覆刪除[版主回覆11/05/2007 00:02:00]就算得一塊都抵啦,d豬扒真係好唔錯呢...快d去試下啦~