食完魚翅之後,我地就行下唐人街既夜市勒~~
兩旁都有好多熟食攤檔,好似都幾吸引呢,阿爸仲話佢鐘意食呢d街邊檔,夠地道先有風味咁話喎~~雖然我都知呢d檔口又平又正,之不過我驚佢地唔衛生,一個唔覺意有人食完唔舒服就仲弊~~我知我屋企人個個都有大無畏精神,但係有事就好掃興架麻,所以我情願去食貴d既銀都~~
今次老公係度,阿爸終於有伴可以一齊食榴槤啦~旅遊書推介呢個金手指榴槤王車仔檔,佢地好似要左左邊上排個盒,承惠泰銖250(HK$57),都幾貴呢~~
但係佢地話好好味喎,仲話係香港食唔到呢隻味道添~~阿媽忍唔住試左啖,跟住不斷問阿爸拎黎食,似乎阿媽都覺得幾好食咁喎~~
我問老公剛才選榴槤時佢個樣點解怪怪地,老公話原來佢見到老闆娘身邊有隻巨型大蟑螂,大家都知我老公對蟑螂係超級恐懼架啦,佢話隻蟑螂真係好大隻,所以嚇到佢面青青呢~~
食完就行左去合記林真香掃手信勒~~
我不吃榴槤,無福消受!但我老公很愛吃!
回覆刪除[版主回覆11/02/2007 22:52:00]唔通男人鐘意食榴槤多d,我阿爸同老公都鐘意食喎~
以前我老公都唔食架，不過佢試過之後就鍾意食啦，泰國既榴槤真係好味過香港既好多架，又甜又香，正呀 ............搞到我依家想食添
回覆刪除[版主回覆11/05/2007 00:03:00]睇黎你都係fans喎~