至於昭伯耶河兩岸既景色就真係無維港咁璀璨奪目勒,大部份時間都係黑漆漆既兩岸同河水~~
斷斷繼繼有d皇宮、寺廟、大橋或者沿岸比較明亮既餐廳或酒店...每駛近某一景點就會有英文介紹,不過我地都無留心聽
雖然河水唔係好大浪,架船都行得好平穩,但係都好難影到兩岸既景色,所以只係影到幾張相咋~~
食飽飽,我地行左出去船頭影相,原來職員都會同我地影番張大合照,然後晒埋出黎入好送番俾我地架~~有驚喜呢~~而且張相都影得唔錯添喎~~
原來落船之後都會有shuttle bus車番我地番去Banyan Tree架,因為我唔知所以上船時仲問職員點樣搭車去Mayfair,個職員知道之後好好咁安排左架車車我地番去Mayfair呀...因為我地6個人一架車,佢話Banyan Tree同Mayfair咁近,租車既價錢都係一樣,所以我地就唔使再煩點樣番去勒~~Banyan Tree既服務果然唔同d,貴d都係值既
22:40落船,番到酒店已經11點幾lu,今日既行程又圓滿結束勒
呢個Apsara泰菜船河晚餐真係好唔錯呀,大家不妨考慮下~~
(值得一提既係船長既服飾好搞笑,阿爸話似奪寶奇兵既造型,不過最後唔記得同佢影番張相添~~)
夜晚o既景色好靚喎！
回覆刪除[版主回覆11/07/2007 20:18:00]其實都無咩夜景架咋,係耐唔耐有橋同皇宮有d睇頭架咋~~
你背影 d 相好鬼呀吳太...!!!!!
回覆刪除[版主回覆11/07/2007 22:45:00]咩野好鬼呀??唔明喎,唔好嚇我呀~~
你好細心,連晚餐都已預訂!這餐好特別,有美食又有美景,真係好浪漫!
回覆刪除[版主回覆11/07/2007 22:46:00]要係香港full pay其實都有d驚架,好彩無呃人咋~~
有得睇埋景都唔錯喎, 我那時住河畔都睇唔到呢 d景
回覆刪除[版主回覆11/08/2007 00:05:00]條昭伯耶河好長架,我地架船行左成個鐘先番轉頭,所以呢D景係好遠既地方架~~