912的晚餐 ~ 冬瓜薏米鴨腿湯、蒜茸豆豉粉絲蒸扇貝、咖哩薯仔炆雞翼

今日放假當然要做個賢淑既妻子,整餐豐富既餸菜等老公放工番黎食啦

而且我仲決定要煮d平時好少整既野.....

首先要啖靚湯~~呢個係冬瓜薏米鴨腿湯

老公番到黎就問我煲左咩湯,好香喎~~味道當然正啦

跟住整下海鮮,就係蒜茸豆豉粉絲蒸扇貝

老公唔係樣樣海鮮都食,不過佢成日都話想係屋企蒸下扇貝食....今日老公見到我買左扇貝番黎整,不知幾興奮...我本來只係用蒜茸,老公在旁加把口話加埋豆豉同XO醬...我當然順應要求啦...其實都係整俾佢食之麻~~味道唔錯,不過老公話蒸得耐左所以要扣少少分...而粉絲就吸左d汁既精華...好味道!

最後呢味係咖哩薯仔炆雞翼:好好味呀,我地兩個將d汁撈飯食不知幾滋味~~煲到薯仔溶下溶下個種感覺,正呀...拍得住我平時鐘意食個間"麪麪店"既咖哩呀...而且辣度o岩o岩好,老公都勁鐘意食!