一上班就OT

今天是番新工的第一天,實在有太多新奇新鮮事~~

呢個新總部實在係好好好.....大大大,好似迷宮咁呀,而且太多同事無可能會記得呢

我個位亦好大...係咁多份工以黎最大既工作間,張椅可以由枱既一邊碌去另一邊~勁

我仲有一塊成半幅牆咁大既白板係我寫野

所以野都好電子化....出入認卡唔認人,online請假,online book會議室....總之你唔使諗叫GR同事做野

茶水間都有幾個,雪櫃,微波爐都有數個...連多士爐都有

可惜公司周圍無食肆,基本上唔帶飯都無啖好食...總部有Canteen呀,你地話啦

我選左番8點半放5點半,星期五可以放4點半....所以我諗逢星期五都留番黎係屋企煮飯食

不過第一日番工就要加班啦,因為老闆5點半時話有個contractor上緊黎傾野,叫我都番低聽下....結果就聽到8點先完勒...好在係呢個荒蕪既地帶,我都有幾架巴士選擇番到屋企,車程都係少於半個鐘....算係咁啦