Hello Kitty冰皮月餅

上星期見勞太成功制作左好可愛既Hello Kitty冰皮月餅,我即晚放工就去7-11買呢個DIY package啦,$49可以整4個,都幾抵喎(本來之前我都諗住去買材料自制月餅架,套裝咁買都要成一百七十幾,好在多得勞太介紹,慳左唔少)

盒內既工具同材料,個月餅模連老公都話靚呀!仲可以留番個模整其他食物,正

跟住教法,好小心咁整左成半個鐘,終於都整好啦~~

除左第一個入模既月餅hello kitty樣比較模糊之外,其他都整得唔錯

放入食物盒,可以用黎送禮都得呢我呢個係白蓮蓉餡,另外仲有豆沙同抹茶餡賣架...想拎2個俾屋企人食,特別係細妹好鐘意Hello Kitty,佢見到一定會尖叫....哈哈

雪左一陣老公拎左個黎食,味道都唔錯喎,不過老公話如果個冰皮再薄d會仲好,我都試左幾啖,個冰皮幾有咬口,煙煙韌韌