滴汗問題之側田係男?係女?

上一回講到我排左個歌手次序表約檔期,老闆對個名單無特別問題,佢話信我喎~~

今日同電台開會,電台同事話已經就我個名單開始約緊歌手,點知老闆突然問左一個令人滴汗既問題

「邊個係側田呀?」

下,點答呢...在坐人士靜默左片刻,同時茶水阿姐剛剛送我地叫左既飲品入黎,又聽到老闆問呢條問題...茶水阿姐果然天不怕地不怕...忍唔住笑左出黎

老闆問阿姐「你都識呀?」

阿姐答「側田好hit架喎」

多謝茶水阿姐幫我地行左第一步...於是我地紛紛形容俾老闆聽「時時都帶住cap帽既呢」,「有無睇同千嬅拍既KFC廣告呀」....老闆都估唔到,再問多個爆笑問題「側田係男淨係女?」我地唯有答係男啦

最後有人話側田係由英文名Justin繹既,老闆聽到Justin頓時恍然大悟咁「啊」左一聲...唔知老闆係咪真係知呢??又點解要講英文名先知呢?