今日係屋企執拾,期間見到中學時期本紀念冊...於是停晒手腳係度慢慢睇,仲睇到喊~~
畢竟都已經過左將近10年,一路睇一路回憶番以前既一點一滴
其實我暫時一生之中最唔開心既日子就係中學時期
...同其他人唔同既係我中學既老死基本上係無
熟既又咁o岩係我既小學同學,所以我會將之歸入小學唔入中學(個時擺酒,小學同學有成圍,大學同學成3圍,中學既一個都無請)....諗番起都覺得好失敗
睇番本紀念冊都幾感觸...原來我實在係唔識講野,下下得罪左人都唔知...而且同學仔仲因為嫌我既外貌而唔願同我一齊玩...哈哈,都真係幾現實喎....唔同我個樣真係咁嚇人
宜家我既說話技巧應該比中學時改善左卦,不過我又唔覺自己比以前有好大分別~~
中學個7年話多唔多,話少唔少.....雖然唔開心,不過都係一個經歷...我會好好記住
Yan 時間真係過得好快，我以前都有寫記念冊同日記呢啲嘢，不過搬出嚟住嗰陣冇帶走，之前娘家又裝修過，依家可能喺娘家既某角落既某紙皮箱入面，要搵返都好大工程囉。不過諗返起以前既野真係好感觸，有啲仲覺得自己點解嗰陣會咁做，咁白痴架，以前成日以為結婚生仔好似好遠既事，點知依家已經做咗人老婆喇，諗起遲啲自己好快就皺晒皮、冇晒牙個醜八怪樣，真係好得人驚呀...........
回覆刪除Thy:無辦法啦,我阿媽迫遷我既物品...我所有家眷都要同我一齊走呀~~ 唔使擔心,我地呢一輩識得保養啦...唔會咁快皺晒皮、冇晒牙既....放十萬個心
回覆刪除阿yan, 我中學個時有時都唔係咁開心的, 因為個時我d手毛好長(我發覺仲多過我老公). 成日都俾d同學笑, 有個同學仲係紀念冊說第一個感覺就係 ~ fiona d 手毛好多好長, 看到昤真的好hurt的. 而且細個第一次同男朋友相戀唔夠一年, 他就去了英國讀書, 我就一個人係香港讀中五.而且又成日都發脾氣. 不過最開心又可以說是中五時, 因為個時都有幾個同學仔陪我, 雖然他們係男仔, 不過他們真的好照顧我的, x'mas 知道我得一個人, 立即約我出街玩. 我同他仲有聯絡的,(因為有個同學移民了) 雖然我結婚時他沒有來(因為他家裡有白事), 不過我們的感情仲係好好的. 好過我同d 女同學.
回覆刪除(Empty)
回覆刪除