今日老闆下畫出左去training,所以可以準時放工
連續2日無煮飯,今日當然要去買餸啦...結果今晚既菜式就係:
檸檬脆雞:繼咕嚕雞球之後,我就改下個汁做檸檬勒....一樣係自己調架,所以就淺色左d...不過個汁味道唔錯,老公都話個汁幾好味...之不過佢話d雞本身就醃得唔夠入味,佢話如果醃耐d應該會更好味...其實今次我無用生抽去醃改左用酒...老公條脷即刻就分別到啦...下次都係用番生抽醃算數~~
XO醬煎魚扒:睇到其他靚太都煎魚扒,其實我自己都鐘意食,係因為老公唔好魚先無買...今日見特價,我又好想食,所以最後決定買番屋企整....我用左XO醬黎煎(老公既愛醬),希望佢都肯食幾啖啦...我自己就覺得幾好味,老公都食左兩舊,話都唔錯...不過佢怕魚味,所以我都無迫佢食...我自己清晒
另外,雪櫃有包到期既漢堡扒,所以煎埋佢...加埋啖湯...又搞掂一餐~~
沒有留言:
張貼留言