米缸未補充,於是今日就唔煮飯勒~~老公鐘意食包,所以今日再整多次熱狗,不過就轉左d餡料
芝士腸菠菜熱狗:用上芝士腸,菠菜,仲有老公特別要求既酸瓜芥末熱狗醬...放入焗爐焗一焗,成為外脆內軟既熱狗勒
煙肉牛奶焗新薯:買左美國焗薯同煙肉,整左呢個新菜式...不過我覺得自己落多左鹽,比較咸...不過老公鐘意食濃味,反而覺得味道唔錯...可惜焗左30分鐘d薯仔都仲係硬硬地,老公話下次煲下d薯仔再煎一煎先焗喎,佢話咁樣應該可以做到外脆內軟既效果...下次再整就要改良下啦~~
這就是老公特別要求既酸瓜芥末熱狗醬~~
又有新菜式..正呀...流口水中...
回覆刪除你個熱狗腸好似好正。係咩唔牌...?? 好唔好食?
回覆刪除你個熱狗腸好似好正。係咩品牌...?? 好唔好食? (sorry 打錯字)
回覆刪除你個焗薯仔底汁是甚麼來的呢?
回覆刪除如果你唔想煲個薯仔， 可以用叉O係個薯仔度係咁拮， 跟住用微波爐保鮮紙包住佢叮都得o架~~~ (以前住 hall d 人教~~)
回覆刪除嬌俏黃夫人:多謝你既心得喎,呢個方法幾方便喎~~ La La:個底汁不過係牛奶之麻,焗到咁上下先再舖少少芝士係面....味道主要係靠煙肉同埋醃左既薯仔~ 妙妙:個熱狗腸不過係惠康自己出個d品牌,叫芝士捧捧腸,正價大約十幾蚊(一包6條),不過我今次買就係特價$8 碧姬: 不過我覺得個薯仔整得唔係幾好食...算係一個失敗之作
回覆刪除正正的熱狗啊~~~~ 夾埋菠菜係入面... 好用心呀!!!
回覆刪除微波爐整唔整到呢?
回覆刪除酸瓜芥末熱狗醬 ~ 響邊道買 ga??
回覆刪除Sa Sa:個熱狗醬係地捫牌,都係係惠康買之麻 ,一樽都要成廿蚊架 Thy:你想用微波爐整邊樣先?其實熱狗唔用焗爐整都得,開個煎pan烘下個包一樣掂架...至於個焗薯我就唔知得唔得勒~~ 七七:因為聽大家話煮多d菜呀麻...所以加埋菠菜lor
回覆刪除你個焗薯仔, 賣相好掂呀!!
回覆刪除波菜芝士腸熱狗...好正呀! 個酸瓜芥末醬響邊樹買架?
回覆刪除V&E:個酸瓜芥末熱狗醬只係係惠康買架咋...我post左個樣出黎啦,要廿蚊一樽架~~ Bear:弊在得個樣呢...味道唔係好掂呀
回覆刪除我都鍾意食熱狗醬, 不過肯定未食完就過期...你會唔會呀?
回覆刪除朱太:哈哈,樽熱狗醬都可以放到08年架...我相信應該可以食得晒既,事關我老公都好鐘意食熱狗架...所以整多D都唔怕
回覆刪除