黑色星期五的一件小事

今日係黑色星期五,本來我都覺得無咩野,到食完晚餐,一切都好順利~~

點知之後就出事啦...由於屋企既飲品已經飲得七七八八,老公就叫我開左樽利賓立溝好放番入雪櫃等佢有得飲(無法啦,廚房係我負責既,所以佢就點我做野lor)

洗好碗碟,我就好乖咁去開利賓立...因為係老公要飲,我就拎住開好左既利賓立入書房俾老公試味...老公試左就話都係甜左d,點知呢頭講完呢頭佢就一手撞到我兜利賓立...雖然我已經盡快避開,可惜都係將少部份利賓立打瀉左...個一刻我真係好嬲呀,整污穢左地板,部份地毯,部份毛公仔...由於利賓立有顏色,為求容易洗去色素,我立即清理現場...老公也一起幫手...其實我是很想大罵老公的不小心害我無啦啦要洗地,不過我也忍住了~~

兩公婆黑著面一同清理...清理工作接近尾聲時,我竟看見老公在偷笑...我也就忍不住大聲問他有什麼好笑,你想到他如何回答我呢

老公以一副誠懇的表情對我說:「老婆,我們很少在家一起做相同的家務啊~~平時你煮飯,我就熨衫...你掃地,我就洗浴室,今次一齊抹地板,抹地毯,抹毛公仔...大家又面黑黑的,我覺得溫馨得來又很搞笑啊~~」

天啊,聽罷老公這段回答,我也被逗笑了...怎麼他竟有這種想法,都不知是真是假...是想我轉嬲為笑的招數嗎...這件小事也就這樣過去了,我繼續去開利賓立~~不過也算應了今天是黑色星期五啊~~